ଶ୍ରୀ ଗୋପୀନାଥ

ଶ୍ରୀ ଗୋପୀନାଥ--ରାଧା ଗୋପୀନାଥ,

ଜୟ ରାଧେ ଶ୍ରୀ ରାଧେ

ତୋ ବଇଂଶୀ ବଜେଇଦେ- ପରାଣ ମିତ ।

କେଶବ ତୁ ବୋଲାଉଛୁ

      ରାଧା ପ୍ରାଣ ବଲ୍ଲଭ

ମୋହନ ତୋ ବେଣୁସ୍ୱରେ

       ଫୁଟେ କେଳି କଦମ୍ବ

ମୟୂରଚୂଳିଆ କହ-କିଏ ଚୋର

ଚୋରି କଲା- ମୋର ଚିତ୍ତ ।

ଶ୍ରୀ ଗୋପୀନାଥ----

ସହିପାରୁ ନାହିଁ ଆଉ

     ଅପନିନ୍ଦା ଗଞ୍ଜଣା

ଗୋପନଗରୀରେ ବାଜେ

     ଡିବି ଡିବି ବାଜଣା

ମନ୍ଦ ହାସେ- ହଜି ଗଲା- ମୋ ମହତ ।

ଶ୍ରୀ ଗୋପୀନାଥ-----

ବସିଅଛି ଚାହିଁ ମୁହିଁ

     କୁଞ୍ଜ ବନ କାନନେ

ଦିଶୁଛି କଳା ଶ୍ରୀ ମୁଖ

     ମନ ଯମୁନା ରଙ୍ଗେ

ଶୀଘ୍ର ଆସ- ପ୍ରାଣ ନାଥ-ମନ ଉଚ୍ଚାଟ ।

ଶ୍ରୀ ଗୋପୀନାଥ----

   --------