ଶ୍ରାବଣ ରାତି ପ୍ରିୟାର ଚିଠି

ଶ୍ରାବଣ ରାତିର ନିର୍ଜନ ପ୍ରହରେ 

          ବର୍ଷା ଝରିଗଲା ପରେ

କେଜାଣି କାହିଁକି ତୁମ କଥା ପ୍ରିୟା

          ବାରମ୍ବାର ମନେପଡେ ।

ଗଲା ଫଗୁଣର ପ୍ରେମ ଚିଠି ତୁମ

          ଏବେ ମୁଁ ପଢୁଛି ପ୍ରିୟା

ଭଲପାଇବା ର ପ୍ରଥମ ସ୍ୱାକ୍ଷର

          ଆଜିବି ଲାଗୁଛି ନୁଆ ।

ଲୁଚି ଲୁଚି ଦେଖା ଚୁପି ଚୁପି କଥା

         ସବୁ ସ୍ମୃତି ମନେ ପଡେ

ଶ୍ରାବଣ ରାତିର ନିର୍ଜନ ପ୍ରହରେ

         ବର୍ଷା ଝରିଗଲା ପରେ ।

ଝରକା ସେପାଖେ ଶୀତଳ ପବନ

         ଦେହରେ ପ୍ରଣୟ ନିଆଁ

ବାହୁ ବନ୍ଧନକୁ ଆସ ଆଜି ପ୍ରିୟା

           ତୃପ୍ତ କରୁ ତୁମ ଛୁଆଁ ।

ଚନ୍ଦ୍ରମୁଖୀ ତୁମ ମଧୁ ଅଧର କୁ

       ପିଉଥିବି ପ୍ରୀତି ପିଆଲା ରେ

ଶ୍ରାବଣ ରାତିର ନିର୍ଜନ ପ୍ରହରେ

         ବର୍ଷା ଝରିଗଲା ପରେ ।

ହାତଲେଖା ତୁମ ଗୋଲାପି ଚିଠିରୁ 

          ଆଜିବି ଅତର ବାସେ 

ଭଲପାଅ ବୋଲି ସୁରିଲା ସୁରରେ 

          ପ୍ରତିଧ୍ୱନୀ ହୋଇ ଶୁଭେ ।

ପ୍ରିୟାରୁ ତୁମେ ଗୋ ପ୍ରିୟତମା ପାଇଁ

          ଲେଖିଛ ଚିଠିର ଧାରେ 

ଶ୍ରାବଣ ରାତିର ନିର୍ଜନ ପ୍ରହରେ

            ବର୍ଷା ଝରିଗଲା ପରେ ।