ରୋମାଣ୍ଟିକ ସ୍ମୃତି

ତୁମେ ଆସିବ ଆସିବ ବୋଲି

ଆଖି ଆଖିରେ ଦେଲ ଇସାରା

ତୁମ ଆସିବା ବାଟକୁ ଚାହିଁ

ହୋଇଗଲି ମୁଁ ବେସାହାରା ।

ତୁମ ସାଥେ ହୋଇଥିବା ଭେଟ

ବନିଗଲା ବାସି ଗଜରା

ତୁମ ସାଥେ ଉଠିଥିବା ଫଟ

ଢାଳିଦିଏ ଲୁହ ଅସରା ।

ତୁମ ମନଖୋଲା ଖିଲି ହସ

ତୁମ ନାଲି ଓଠର ସ୍ପର୍ଶ

ତୁମ କରର ମୃଦୁ ପରଶ

ମନେ ପଡେ ସେହି ଶିହରଣ ।

ତୁମ ନିଦୁଆ ନିଦୁଆ ଠାଣି

 ପାଉଁଜିର ରୁଣଝୁଣ ଶବ୍ଦ

ମନ ନେଉଥିଲ ତୁମେ କିଣି

ଜିଣି ଯାଉଥିଲ ତୁମେ ହୃଦ ।

ସେହି ନଦୀକୂଳ ଭେଟଘାଟ

ଆମ୍ବତୋଟାର ପ୍ରତୀକ୍ଷା ବେଳ

ଅବାଟକୁ କରି ତୁମେ ବାଟ

ଧାଇଁ ଆସୁଥିଲ ସଅଳ ।

କେତେ ମଠ, ମନ୍ଦିର ଦର୍ଶନ

ଗାଆଁ କ୍ଷେତରେ ହୁଏ ମିଳନ

ପ୍ରତିଶୃତିର ଲମ୍ବା ଫରଦ

ଆଜି ଇତିହାସେ ଧୁଆଁବାଣ ।

ତୁମ ଅପେକ୍ଷାରେ କଟେ ଦିନ 

ଭେଟ ହେବ ଆର ଜନମ

ହୃଦେ ଧରି ତୁମ ସ୍ମୃତି ଚିହ୍ନ

କରିଯାଏ ମୋର କରମ ।