ମଥା ତୁମ ଖୋଜିଲାଣି
ମଥା ତୁମ ଖୋଜିଲାଣି
ମଥା ତୁମ ଖୋଜିଲାଣି
ନାଲି ନାଲି
ମଙ୍ଗଳ ସୂତ୍ର ସାଥେ ଚୁଡ଼ି
ନାଲି ନାଲି ।
ମନ ତୁମ ଖୋଜିଲାଣି ଅନ୍ଧାର
କିଟି ମିଟି
ସପନରେ ଭରା ଆଖି ଦୁଇ ତୁମ
ମିଟି ମିଟି ।
ବୟସର ଉଛୁଳା ନଈ ଯାଉଛି
କୂଳ ଲଙ୍ଘି
ବୁଡ଼ାଇବ ବୁଡ଼ିଯିବ ସତେ ଅବା
ବନ୍ଧ ଭାଙ୍ଗି ।
ଅଧିରରେ ଫଜିଲାମୀ କରୁଛି
ଓଠ ତୁମ
ସତେକି କାହାକୁ ଡାକି କୁହେ
ଚୁମ ଚୁମ ।
ଛାତି ତଳ ଶିହରଣ କହୁ ଅଛି
କିଛି କିଛି
କିଛି ବୁଝା ପଡୁଅଛି ଅବୁଝା
ଅଛି କିଛି ।
ବର୍ଷାର ଗୀତି ଜହ୍ନ ରାତି ଲାଗେ
ମିଠା ମିଠା
ବୟସର ମହାବଳ ବାଘ ଗିଳେ
ଗୋଟା ଗୋଟା ।
ସବୁରି ଜୀବନେ ଆସେ ଏମିତି
କିଛି ପୃଷ୍ଠା
କିଛି ଖୋଲା କିଛି ଗୋପନ
ମନ କଥା ।