ଶ୍ରୀ ଗଣେଶ

ଆଦିଦେବ ପରିଚିତ କଶ୍ୟପ ଅଦିତି ସୁତ 

ସତ୍ୟଯୁଗେ ନାମ ତୁମ ଯେ ମହଙ୍କତ 

ରକ୍ଷାସ ଯେ ଦେବାନ୍ତକ ପ୍ରତାପୀ ସେ ନାରାନ୍ତକ

ବଧିକି ହୋଇଲ ଶ୍ରେଷ୍ଠ ଯେ ପୁରସ୍କୃତ

ବିନାୟକ ପ୍ରଭୁ ଗଣେଶ

ଅବତରୀ ପ୍ରତି ଯୁଗେ ଦିଅ ଆଶିଷ ll

ନିଧନ କଲ ରାକ୍ଷସ  ଜନ୍ମିସିନ୍ଧୁ କୁ ଗଣେଶ

ଉମା ସୁତ ଗଣନାଥ ଯେ ଗଜାନନ

ରିଷ୍ଟକୁ କର ଖଣ୍ଡନ ପ୍ରଭୁ ଗିରିଜା ନନ୍ଦନ

ସର୍ବ ବିଘ୍ନ କର ହର ଗୌରୀ ନନ୍ଦନ

ହେ ବିଘ୍ନ ନାଶନ ଗଣେଶ

ସବୁଠାରେ ତୁମ ଲୀଳା ହୁଏ ପ୍ରକାଶ ll

ଅଗ୍ରପୂଜ୍ୟ ଲମ୍ବୋଦର  ସର୍ବ କର୍ମେ ଶୁଭଙ୍କର 

ପାର୍ବତୀ ନନ୍ଦନ ଦେବ ହେ ଗଣପତି

ମାନବ ଦେବତା ଗଣ  ଭଜନ୍ତି କରି ବନ୍ଦନ

ଶୁଭା ଶୁଭ କର୍ମେ ପ୍ରଭୁ କରନ୍ତି ସ୍ତୁତି

ରିଦ୍ଧି ସିଦ୍ଧି ସହ ଗଣେଶ

ଓଷା ପୂଜା ବ୍ରତେ ପାଉ ମନେ ସନ୍ତୋଷ ll

ବିଦ୍ୟାଦାତା ଭଗବାନ ବକ୍ରତୁଣ୍ଡ ଦୟାଵାନ

କୃପାକର ଦେଇ ବିଦ୍ୟା ହଟୁ ଅଜ୍ଞାନ

ମୋଦକ ପ୍ରିୟ ଠାକୁର ଗଣନାଥ ବିଘ୍ନହର

ପ୍ରାର୍ଥନା କରୁଛୁ ପ୍ରଭୁ ଗାଇ ଜଣାଣ

ଶିବା ସୁତ ଆହେ ଗଣେଶ

ଦିଅ ପ୍ରଭୁ ମୋତେ ଜ୍ଞାନ ହେଉ ବିକାଶ ll