ଶ୍ରେଷ୍ଠ ସେବିକା

 ସେ ରୋଗୀର ପ୍ରଥମ ବନ୍ଧୁ ସେବିକା

 ଶିଶୁର ପ୍ରଥମ ମା ପରିଚାଳିକା

ଆତୁର ମନୁଷ୍ୟ ପାଇଁ ଶାନ୍ତି ଦାତା

ରୋଗୀର ଦ୍ୱିତୀୟ ଜୀବନ ଦାତା

ରାତି ଯା ପାଇଁ କର୍ମ ମୟ ମା ପରି

ଅନିଦ୍ରାରେ ସେବା ଚାଲେ କରି 

ସର୍ବେ ତା ନିଜର ଶିଶୁ ଯୁବା ବୃଦ୍ଧା 

ତା ପରି ନାହିଁ କେହି ସମ ଯୋଦ୍ଧା

ଅସୁସ୍ଥରୁ ସୁସ୍ଥ କରେ ଦେଇ ହାତ

ଅସ୍ପୃଶ୍ୟ ଘୃଣାର ଉର୍ଦ୍ଧରେ ସେହିତ

ଆନ୍ତର୍ଜାତିକ ଯେ ଦିବସେ ସେବିକା

ଦିନକ ପାଇଁ ସେ ନୁହେଁ ସନ୍ମାନିକା

ସବୁଦିନ ଯିଏ ସମ୍ମାନର ପାତ୍ର

ସେବିକା ନୁହଁଇ ସେ ମନୁଷ୍ୟ ମାତ୍ର

ରୋଗୀର ସେ ମା ସେହି ଯେ ଈଶ୍ୱର

ସୁସ୍ଥ ହୋଇ ରୋଗୀ ଫେରେ ନିଜ ଘର

ପାରିବେନି କେହି ସୁଝି ଋଣ ଯେ ତାହାର

ସେବିକାଙ୍କୁ ମୋର କୋଟି ନମସ୍କାର ।।