ଶ୍ରଦ୍ଧାଞ୍ଜଳି ମା
ଶ୍ରଦ୍ଧାଞ୍ଜଳି ମା
ଛିଣ୍ଡାଇ ସେ ମୋହ ମାୟା ଚାଲି ଗଲୁ
ଭରି ଦେଲୁ ତୋ ଶୂନ୍ୟତା ।
ଆମ ଅସୁମାରୀ ସୁଖ ଫିଙ୍ଗି ଦେଲୁ
ନ ଦେଲୁ ଯିବା ର ବାର୍ତ୍ତା ।।
ନୂତନ ସୂରୁଜ ଦେଖିବା ସୌଭାଗ୍ଯ
ତୋର ଆଶୀର୍ବାଦ ଥିଲା ।
ଅନ୍ତଚିରି ଜନ୍ମ ଦେଇଥିଲୁ ମାଆ
ତୋ ଅମୃତ ମୁହେଁ ଥିଲା ।।
ରୁଷି ଯାଉଥିଲେ ଧରି ଆଣୁଥିଲୁ
କୋଳେଇ କାଖରେ ଧରି ।
ଦୋଷ ନକରିବି ଦୋଷୀ ମାନୁଥିଲୁ
ପିଲାଙ୍କ ଖୁସି କି ଧରି ।।
ଆମ ମନେ ମାଆ ଆଶା ଭରି ଥିଲୁ
ବାଣୀ ଭଣ୍ଡାରରୁ ଆଣି ।
ହସି ହସି କହୁ ଆଦର୍ଶ କଥା ତୋ
ଉଦ୍ଦୀପନା କାହୁଁ ଆଣି ।।
ତୋ ସୃଷ୍ଟି ଯେ ଆମେ ତୋହର ସନ୍ତାନ
ଡାକୁଛୁ ଆକୁଳ ହେଇ ।
ରୁଷି କରି କିଆଁ ଚାଲି ଗଲୁ ମାଆ
ଆଉ କି ଫେରିବୁ ନାଇଁ ।।
ଚାହୁଁ ଚାହୁଁ ଆସି ବର୍ଷେ ପୂର୍ଣ୍ଣ ହେଲା
ଶୂନ୍ୟ ତା ଭରିଛି ମନେ ।
ସେଇ ଘର ଅଛି ସେଇ ବାଡି ଅଛି
ମୋ ମାଆ ପଡୁଛି ମନେ ।।
ଆଖିରୁ ଝରୁଛି ଅସରନ୍ତି ଲୁହ
ତୋ କଥା ପଡୁଛି ମନେ ।
ସେଇ ଖଟ ଅଛି ସେଇ ଗଦି ଅଛି
ତୁତ ନାହୁଁ ସେଇ ସ୍ଥାନେ ।।
ମାଆ ଛେଉଣ୍ଡ ତ ହୋଇଗଲୁ ଆମେ
ଛାଡି ଚାଲି ଗଲ ତୁମେ ।
ଆମ ବନ୍ଧନରୁ ମୁକ୍ତି ପାଇଗଲ
ଅଫେରା ପଥିକ ତୁମେ ।।