STORYMIRROR

Sarojini Mishra

Abstract

4  

Sarojini Mishra

Abstract

ଶ୍ରାବଣୀ ଆସିଛି ଶ୍ରାବଣ ନେଇ

ଶ୍ରାବଣୀ ଆସିଛି ଶ୍ରାବଣ ନେଇ

1 min
283


ଶ୍ରାବଣୀ ଆସିଛି ଶ୍ରାବଣକୁ ନେଇ

କାହିଁ ନାହିଁ ମେଘମାଳା

ଭସା ବାଦଲରେ ଆକାଶ ସାଜୁନି

ନାହିଁ ତ ବିଦ୍ୟୁତ୍ ମାଳା ।


ଶ୍ରାବଣୀ ଆସିଛି ଶ୍ରାବଣକୁ ନେଇ

ହେଲେ ଶୁଷ୍କ ଏହି ଧରା

ଶ୍ରାବଣେ ହଜିଛି ବରଷା ର ଧାରା

ଏ କି ବିଲକ୍ଷଣ ପରା ।


ଶ୍ରାବଣୀ ଆସିଛି ଶ୍ରାବଣକୁ ନେଇ 

କ୍ଷେତର ଶୁଖିଲା ମୁହଁ

ଶ୍ରାବଣ ଆଣିନି ବରଷା ରାଣୀକୁ

ଇଏ କି ଶ୍ରାବଣ କୁହ ।


ଶ୍ରାବଣୀ କହୁଛି ମେଘ ସବାରୀ ତା

ଚୋରୀ ହୋଇ ଯାଇ ଅଛି

ଶ୍ରାବଣ ଡାକୁଛି ମୌସୁମୀକୁ ହେଲେ

ଆସିବ ମନା କରିଛି ।


ଶ୍ରାବଣୀ ଆସିଛି ଶ୍ରାବଣ କୁ ନେଇ

ହେଲେ ମୌସୁମୀ ରୁଷିଛି

ବାଜା ବାଜୁନି କି ରୋଷଣୀ ଜଳୁନି

କି ପରମାଦ ପଡ଼ିଛି ।


ଶ୍ରାବଣୀ ଗୋ ତୁମେ ଶ୍ରାବଣ ସାଥିରେ

ମୌସୁମୀ କୁ ନେଇ ଆସ

ଶୁଷ୍କତା ରେ ପୁଣି ମିଷ୍ଟତା ବରଷ

ଦିଅ ଶୀତଳତା ସ୍ପର୍ଶ ।


ଶ୍ରାବଣୀ ଗୋ ତୁମେ ଶ୍ରାବଣ ଆଣିଛ

ଶୁଭେନି ଭେକର ରାବ

ଆକାଶ ସାଜୁନି ଇନ୍ଦ୍ରଧନୁ ରଙ୍ଗେ

ଶୁଖିଲା ଶୁଖିଲା ଭାବ ।


ଶ୍ରାବଣୀ ଗୋ ତୁମେ ଶ୍ରାବଣ ଆଣିଛ

ହେଲେ ଚାଷୀ ମୁଣ୍ଡେ ହାତ

ଶ୍ର।ବଣ କହୁଛି ସେ କିବା କରିବ

ମଣିଷର ଏହା ସୃଷ୍ଟ ।


ମୌସୁମୀକୁ ଆଜି ଶ୍ରାବଣ ଡାକୁଛି

ମୌସୁମୀ କହୁଛି ଶୁଣ

ମଣିଷ ଛେଦିଛି ନିଜ ହାତେ ଜିହ୍ଵା

ମୋତେ କରିଛି ବନ୍ଧନ ।


ଶ୍ରାବଣୀ ଗୋ ତୁମେ ଶ୍ରାବଣ ଆଣିଛ

କୁହ ବରଷିବ ଜଳ

ଏ ଜୀବ ଜଗତ ଜୀବଦାନ ପାଉ

ପୃଥିବୀ ହେଉ ଶୀତଳ ।


ନଦୀ ପୁଷ୍କରିଣୀ ପୂର୍ଣ୍ଣତା ପ୍ରାପ୍ତିରେ

ଆନନ୍ଦେ ବିଭୋର ହେଉ

ଚାଷୀ ଗୀତ ଗାଇ ଲଙ୍ଗଳ କାଂଧେଇ 

ତା କ୍ଷେତ କାମ ଆରମ୍ଭୁ ।


ଶ୍ରାବଣୀ ଗୋ ତୁମେ ଶ୍ରାବଣ ଆଣିଚ

ରୂପ ସମ୍ଭାର ରେ ଭର

ଦଗ୍ଧ ମନେ ଭର ବିଦଗ୍ଧତା ପୁଣି

ବେଦନାକୁ ତୁମେ ହର ।


କେକୀ ନାଚି ଉଠୁ ଶ୍ରାବଣ ଶ୍ରବଣେ

ଶୋଭା ଦାନ କରିଦେଉ

ବନ୍ଧ୍ୟା ଦୋଷ କଟୁ ମୟୂରୀର ପୁଣି

ସୌନ୍ଦର୍ଯ୍ୟ ସୂତ୍ର ନ କଟୁ ।


ଶ୍ରାବଣୀ ଆସିଛ ଶ୍ରାବଣକୁ ନେଇ

ଶ୍ରାବଣେ ଶ୍ରାବଣ ହେଉ

ପ୍ରକୃତି ନ ରଚୁ ବିସ୍ମୟ ବେଭାର

ମାଟିର ବାସ୍ନା ମହକୁ ।


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Abstract