ଶ୍ରାବଣ ଆଣିଛି ପ୍ରୀତିର ବରଷା

ଶ୍ରାବଣ ଆଣିଛି ପ୍ରୀତିର ବରଷା 

ତୁମେ ଥରେ ଆସ ସାଥି 

ଭିଜିଯିବା ଦୁହେଁ ବରଷାର ଧାରେ 

ପ୍ରେମ ନଉକାରେ ବସି। 

ଦୁହେଁ ଭିଜୁଥିବା ପ୍ରେମର ବାରିରେ 

ଡରିବାନି ଆଉଜମା 

ଅମାନିଆ ବର୍ଷା ଭରିଦିଏ ମନେ 

ତୁମରି ପ୍ରୀତିର ଧାରା। 

ଶିହରଣ ଭରା ତନୁ ମନ ମୋର 

ଖୋଜେ ତୁମ ଆଲିଙ୍ଗନ 

ପ୍ରେମମୟୀ ତୁମେ ଆସଗୋ ଜୀବନେ 

ଝରାଇ ପ୍ରେମ ଶ୍ରାବଣ। 

ଏ ବରଷା ରାତି ଦେହେ ଭରେ ତାତି 

ତୁମେ କି ବୁଝନା କୁହ 

ପିଆସି ଓଷ୍ଠ ମୋ ଅଧିର ଆଜି ଗୋ 

ଖୋଜେ ଚୁମ୍ବନର ସ୍ପର୍ଶ।