ଶୋଇ ଦିଅନା ଇଚ୍ଛାକୁ

ଇଚ୍ଛା ଯୋଗୁଁ ଆମେ  ସୁପ୍ତ ବା ଜାଗ୍ରତ

   ଇଚ୍ଛା ଯୋଗୁଁ କର୍ମରତ

ଇଚ୍ଛାରେ ଭୋଜନ  ବସିବା ଉଠିବା

   ଇଚ୍ଛା ଶକ୍ତି ବଳବନ୍ତ ।

ପ୍ରବଳ ପ୍ରମତ୍ତ  ହୁଏ ଅଣାୟତ୍ତ

  ଇଚ୍ଛା କେବେ ମତ୍ତହସ୍ତୀ

ଦହିଦିଏ ମନ  ନଳିନୀର ବନ

   ଜୀବନ ହୁଏ ଅଶାନ୍ତି ।

ଇଚ୍ଛା ସବୁ ଯଦି ପାଲଟିବେ ଘୋଡ଼ା

  ପାରନ୍ତେ ସମସ୍ତେ ଚଢ଼ି

ଇଚ୍ଛା ନିୟାମକ  ଅଟନ୍ତି ଈଶ୍ୱର

  ସ°ଯମେ ବୁଦ୍ଧି ପ୍ରକୃତି ।

ସରସ ସୁନ୍ଦର  ଇଚ୍ଛା ସୁମଧୁର

  ଇଚ୍ଛା ଅମୃତ ସୃଜନୀ

ନିଯୋଗି ପାରିଲେ ଇଚ୍ଛାକୁ କଲ୍ୟାଣେ

  ମାନବ ସୁଜ୍ଞାନୀ ଗୁଣୀ ।

ହୁଅ ଏକନିଷ୍ଠ ସଦା ଗୁଣଗ୍ରାହୀ

   ଧ୍ୟାନ ଅନନ୍ତ ମଣିକୁ

ସଚେତନ ଭାବେ କର ସୁକର୍ତ୍ତବ୍ୟ

  ଶୋଇ ଦିଅନି ଇଚ୍ଛାକୁ ।