ଶ୍ମଶାନ ତୁଳସୀ

ମୁଁ ଶ୍ମଶାନ ତୁଳସୀ

ମୋର ଶ୍ମଶାନରେ ବାସ

ସର୍ବେ ଜାଣି ବି ମହିମା ସୁବାସ 

ମୋ ପ୍ରତି ରୁହନ୍ତି ଉଦାସ 

ଶ୍ମଶାନେ ଜନ୍ମିଛି ବୋଲି 

ମୁଁ କାଳେ ଅସ୍ପୃଶ୍ୟ ଅଶୁଭ!! 

ଜନ୍ମିଥାନ୍ତି ଭାଗ୍ୟ ବଳେ 

ଯଦି କାହା ଗୃହ ଆଙ୍ଗନରେ

ପୂଜିଥାନ୍ତେ ନିତି ମୋତେ 

ସକାଳ ସଞ୍ଜରେ 

ବଡ ଆଦର ସମ୍ମାନେ 

ଚଉରା ତୋଳାଇ ଚୂନ ଧଉଳାଇ 

ସେବିଥାନ୍ତେ ବୃନ୍ଦାବତୀ ମଣି 

ଲାଗିଥାନ୍ତି ଦେବ ପାଦେ 

ଆଉ ସବୁ ଶୁଭ କାର୍ଯ୍ୟେ 

ମୋ ପରଶ ପାଇ ପ୍ରସାଦ 

ଲଭିଥାନ୍ତା ଅମୃତ ଆଦର!! 

ଶ୍ମଶାନରେ ଜନ୍ମି ହାରିଲି 

ମୁଁ ମାନ ମହତ

ନଜର ପଡିଲେ ବି 

କେହି ଚାହେଁନି ମୋ ମୁଖ 

ସେବା ପୂଜା ଦୂରେ ଥାଉ 

ଏ ମଣିଷ ମାଡେନି ମୋ ପାଖ

ଶ୍ମଶାନ ତୁଳସୀ ମୁହିଁ 

ଶୁଣ ମୋର ଦୁଃଖ!!