ସହଜ-ମାଗଣା
ସହଜ-ମାଗଣା
ଅତି ସହଜରେ ମାଗଣାରେ ଯାହା ମିଳୁଥାଏ ଜୀବନରେ,
ସେ ସବୁ ଦରବ ଧନ ଗାଉରବ ଚାଲିଯାଏ ତା' ବାଟରେ |
ଲାଞ୍ଚ-ମିଛ ଠକ ଚୋରିଧନ ଯେତେ ପକେଟ କରେ ଗରମ,
ସେହି ବିଷଧନ ନେଇଯାଏ ପ୍ରାଣ ଦେଇବଡ଼ ଅପମାନ |
ଲୋକଙ୍କୁ ଡରାଇ ଗୁଣ୍ଡାଗିରି କରି କରେ ଯିଏ ରୋଜଗାର,
ତା'ର ପରିବାର ସୁଖର ସଂସାର ହୋଇଥାଏ ଛାରଖାର |
ଧରାଧରି କରି କିଛି ଦାନକରି ପାଏ ଯିଏ ପୁରସ୍କାର,
ଅଳପ ଦିନରେ ଜଣା ପଡ଼ିଗଲେ ତାହା ହୁଏ ତିରସ୍କାର |
ମାଗି ଖାଉଥିଲେ ଅଳପ ସମୟ ପାଟିକୁ ସୁଆଦ ଲାଗେ,
ପର ଦରବରେ ରଖିଥିଲେ ମନ ନିଜ ସ୍ଥାୟୀସୁଖ ଭାଙ୍ଗେ |
ଆଉ ଯେତେ ଧନ ସଂପତ୍ତି ଆସୁଛି ବିନା ଶ୍ରମ ବୁଦ୍ଧି ବଳେ,
ସୁଖଠୁଁ ଅଧିକ ଦୁଃଖ ଦେଇଯିବ ଏକଥା ସଭିଙ୍କୁ ଜଣା |