STORYMIRROR

Jyochhna rani Devi

Inspirational

4  

Jyochhna rani Devi

Inspirational

ସହିଷ୍ଣୁତା

ସହିଷ୍ଣୁତା

1 min
170



ସହିବା ଲୋକଟି ମହତ ଅଟଇ କହିବା ଲୋକଟି ଦହେ

ସହିଷ୍ଣୁତା ପରା ଶ୍ରେଷ୍ଠ ମହୀତଳେ ସହନର ଭାର ବହେ ।


ଅନ୍ୟର ଉପରେ ଅତ୍ୟାଚାର କରି ନିଜର ବଡିମା ଗାଇ

କାହାକୁ ମଣନ୍ତି ପଶୁଠାରୁ ହୀନ କାହାକୁ ବଚନେ ଦହି

ଅଶାନ୍ତିର ନିଆଁ ମିଥ୍ୟାରୋପ ଧୂଆଁ ଲଗାଇବାକୁ କେ ଚାହେଁ

ସହିବା ଲୋକଟି ମହତ ଅଟଇ କହିବା ଲୋକଟି ଦହେ ।


ବଡ ହୋଇନାହିଁ କେହି ଏ ଜଗତେ ଅନ୍ୟକୁ ନିଉନ ମଣି

ସହିଷ୍ଣୁତା ଥିଲେ ଜିଣିବା ଜଗତ ପଥର ହୋଇବ ପାଣି ।


ସତ୍ୟ ଶାନ୍ତି ସ୍ନେହ ପ୍ରୀତି ଫୁଲହାର ଗଳାରେ ଯାହାର ଥାଏ

ଭାତୃତ୍ଵର ଡୋରେ ବନ୍ଧନ ଆବୋରି ଆଗକୁ ଆଗକୁ ଧାଏଁ

ଧୂମର କୁଣ୍ଡଳି ଅଦେଖା ଶିକୁଳି ଆପେ ଆପେ ଛିଡିଯାଏ

ସହିଷ୍ଣୁତା ପରା ଶ୍ରେଷ୍ଠ ମହୀତଳେ ସହନର ଭାର ବହେ ।


ଆତ୍ମାର ପୁଲକ ଅଙ୍ଗେ ଅଙ୍ଗେ ଖେଳେ ଅପୂର୍ବ ସେ ଶିହରଣ

ସହିଷ୍ଣୁ ହୋଇ ଯେ ବିଶ୍ଵର ହିତରେ କରଇ ସଦା କଲ୍ୟାଣ ।



    


Rate this content
Log in

Similar oriya poem from Inspirational