ଶିଶୁ ରାଇଜ

ଆମେ  ଟିକି ଟିକି ଶିଶୁ କଳିକା

ଆସ ସବୁ ବାଳକ ଓ ବାଳିକା ।

ହସି ହସି କଥା କହି କହି କା

ନାଚି ନାଚି ଗୀତ ଗାଇ ଗାଇ କା ।

ଖେଳି ବୁଲି ଆନନ୍ଦ ରେ ଉଚ୍ଛୁଳି

ଟିକି ଓଠେ ରେ ହସି ଖିଲି ଖିଲି ।

ଗଢ଼ିବା ଆମର ଶିଶୁ ରାଇଜ

ଭରା ଥିବ ନିତି ଖୁସି ମଉଜ ।

ସେନେହ , ଶରଧା ପ୍ରୀତି ଆଦର

ପୁରି ରହି ଥିବା ଶାନ୍ତ - ସୁନ୍ଦର ।

ପ୍ରାକୃତିକ ଶୋଭା ସୌନ୍ଦର୍ଯ୍ୟ ମୟ

ପରିବେଶ ଯାର ଆନନ୍ଦ ମୟ ।

ଖୁସି ମନେ ଖେଳି ବୁଲି ବିତ।ଇ

ଦେବା ଆମ ଶିଶୁ ରାଇଜେ ରହି ।

ଆସରେ ,ଆସରେ ଶିଶୁ ଯେତେକ

ଶିଶୁ ରାଇଜ ରେ ଆମରି ସୁଖ ।

ଶିଶୁ ରାଇଜରେ ବିତାଇ ବେଳା

ବଡ ହେବୁ ଆମେ ଯେତେରେ ପିଲା ।