ଶିଶୁ ହିତ ବାଣୀ

ମଣିଷ ଜୀବନ ଦୁର୍ଲ୍ଲଭ ଜୀବନ

  ଏହା ଈଶ୍ୱରଙ୍କ ଦାନ

ସତ୍ୟ ଧର୍ମ ନ୍ୟାୟ ପଥରେ ଚାଲିଲେ

   ହୁଏ ଦୁର୍ଲ୍ଲଭ ଜୀବନ.

ଧନରେ, ମନେ ରଖି ଏ ବଚନ. l1l 

ଜୀବନ ଗଢ଼ା ତୋ ପ୍ରଥମ ଗୁରୁଠୁଁ

   ପିତାମାତା ତୋ ଈଶ୍ୱର

ପିତୃମାତୃ ସେବା ବାକ୍ୟ ପାଳନରେ

   ନ ହେବୁ କେବେ ଅନ୍ତର.

ଧନରେ, ପ୍ରଣାମ ସଦା ପୟର. l2l

ମଧୁର ବଚନ କହିବୁ ସଭିଙ୍କୁ

  ମୋହିବୁ ସବୁରି ମନ

ପର ଦୁଃଖେ ଦୁଃଖୀ ପର ସୁଖେ ସୁଖୀ

  ହୋଇ କାଟିବୁ ତୁ ଦିନ.

ଧନରେ, ଧନ୍ୟ ହେବ ତୋ ଜୀବନ. l3l

ଗୁରୁ ଗୁରୁଜନେ ଭକତି ତୋ ମନେ

  ଲଘୁଙ୍କୁ ଶ୍ରଦ୍ଧା ବାଣ୍ଟିବୁ.

ନ ଭାବିବୁ କେବେ କାହାକୁ ତୁ ପର

  ଧୈର୍ଯ୍ୟ ହରା ତୁ ନୋହିବୁ.

ଧନରେ, ବିପଦ ସାମ୍ନା କରିବୁ. l4l

ଲୋଭ, ହିଂସା, ମୋହ ମନରୁ ତେଜିବୁ

  ସତସଙ୍ଗ ଲଭିବୁ ତୁହି.

ଅସହାୟେ ସଦା ସହାୟ ହୋଇବୁ

  ସେବା କାର୍ପଣ୍ୟ ତୁ ଦେଇ.

ଧନରେ, ମଧୁର ବଚନ କହି. l5l

ପରର ଅନିଷ୍ଟ ପର କଥା କେବେ

  ତୁଣ୍ଡରେ ଧରିବୁ ନାହିଁ.

କାହା ମନେ କଷ୍ଟ ଦେବୁ ନାହିଁ ଧନ

  ସବୁ ଦେହେ ଭାବଗ୍ରାହୀ.

ଧନରେ, ଆତ୍ମା ରୂପେ ଛନ୍ତି ରହି. l6l