ଶିକ୍ଷକ

ଶିକ୍ଷକ..

ଏକ ପ୍ରଜ୍ଜ୍ଵଳିତ ପ୍ରଦୀପ /ଏକ ପ୍ରଦୀପ୍ତ ଜ୍ଞାନ 

ଜ୍ୟୋତି ତାର ଜାଜ୍ଜ୍ବଲ୍ୟମାନ

ଯାହାର ପ୍ରକାଶରେ

ଘନ ଅନ୍ଧକାର ହୁଏ ଉଭାନ ।

ଶିକ୍ଷକ..

 ଏକ ଶିକ୍ଷାୟତନ,

ଶିକ୍ଷା ତାର ଶାଶ୍ବତ ଚିରନ୍ତନ, 

ଯାହାର ସେବା ଶୃଙ୍ଖଳାରେ

ଛାତ୍ର ହୁଏ ଗରୀୟାନ। 

ଶିକ୍ଷକ..

ଏକ ଅନାହତ ଶ୍ରାବଣ

ଶିଥିଳ ହୃଦୟର ପବିତ୍ର ଶିହରଣ

ଯାହାର ପ୍ରଭାବରେ 

ପୁଷ୍କଳ ହୁଏ ଶୁଷ୍କ ପ୍ରାଣ ।

ଶିକ୍ଷକ..

ଏକ ଇଂଞିନିଅର (ଯନ୍ତ୍ରୀ),ରାଷ୍ଟ୍ରନିର୍ମାଣ, 

ଜୀବନ ସୌଧର ବଳିଷ୍ଠ ଉପାଦାନ

ଯାହାର ତ୍ୟାଗ, ଚରିତ୍ର ଗଠନରେ 

ଦେଶ ହୁଏ ବଳୀୟାନ ।

ଶିକ୍ଷକ..

ଆଜିର ଯୁଗଲାଗି ଏକ ଆହ୍ୱାନ, 

କର୍ତ୍ତବ୍ୟ ପ୍ରତି ସମର୍ପଣ

ବଳିଷ୍ଠ ଚରିତ୍ର, 

ବିରଳ ଆତ୍ମ ତ୍ୟାଗର ଉଦାହରଣ 

ଉତ୍କୃଷ୍ଟ ଶିଷ୍ୟ ପରାୟଣ 

ପରାହତ ହେବ ଯେତେ ସଂଚିତ ଅପମାନ 

ପୂର୍ବ ସମ୍ପର୍କ ହେବ ସଂସ୍ଥାପନ

ରାଷ୍ଟ୍ର ହେବ ଶ୍ରେଷ୍ଠ ରେ ଆସୀନ ।