ଶିଖରଚଣ୍ଡୀରେ ଆମ ବଣଭୋଜି

ଶିଖରଚଣ୍ଡୀରେ ଆମ ବଣଭୋଜି

   ===============

ରାଜଧାନୀ ପାଶେ ଅତି ମନୋହର 

        ଶିଖରଚଣ୍ଡୀଙ୍କ ଗିରି l 

ଗିରିପରେ ଆମ ବଣଭୋଜି ହେଲା 

     ଦିନ ଛଅ ଫେବୃଆରୀ ll 

ରୁଣ୍ଡୀଭୂତ ହେଲେ ସାଥୀ ସବୁ ଆସି 

       କେତେ ଦୂର ଦୁରାନ୍ତରୁ l 

ଗଦାଧର ଗଦା ବୁଲେଇ କରିଲେ 

        ଆମ ସମ୍ମିଳନୀ ସୁରୁ ll 

ପ୍ରଦୀପ, ମନ୍ଦର, ବନ୍ଧୁ ନିରାକାର 

    ଯେତେ ଟୋକା ଭଦ୍ରକିଆ l 

ନନ୍ଦି ଭାଇ ସବୁ ଫନ୍ଦୀ କରି ଆଣି 

     ବନ୍ଧୁଙ୍କୁ କରିଲେ ଠିଆ ll 

ନିର୍ଭୟ ନବୀନ ଅଭୟେ କହିଲେ 

     ସଭାରେ ପଡ଼ିଲା ତାଳି l

କଟକୁ ନମିତା ଦେଲେ ହୁଳହୁଳି 

     ହରିବୋଲ ବନମାଳୀ ll 

ଧନ୍ୟ ବ୍ରଜଭାଇ କହିଲ ବୁଝାଇ 

       ବନ୍ଧୁତ୍ୱ ମହତ୍ତ୍ଵ କଥା l 

ସ୍ଵୟଂ ଭଗବାନ ପଛେ ବସି ଥିଲେ 

    ପାଶେ ହିମାଂଶୁ ଦେବତା ll 

ଏ ବନ୍ଧୁ ବନ୍ଧନ ଅତୀବ ମହାନ

     ଝୁରନ୍ତି ଦେବତା ଯାକୁ l 

ଅସ୍ତବ୍ୟସ୍ତ ହୋଇ ଶ୍ରୀକାନ୍ତ ବାବାଜୀ 

     ଉଡ଼ି ଆସିଲେ ଏଠାକୁ ll 

ଆଉ ବନ୍ଧୁ କଥା କି କହିବି ଭାଇ 

     ଅନେକ ହୋଇବ ସିନା l 

ଏଥର କହୁଛି ଅଳପ ଟିକିଏ ଯାହା 

       ହେଲା ଖାନା ପିନା ll 

ଡାଲି ଭାତ ସଙ୍ଗେ ଭଜା ପୁଣି ଖଟା 

      ମାଛ ମାଂସ ତରକାରୀ l 

ସୁସ୍ୱାଦୁ ବ୍ୟଞ୍ଜନ ପାଟିରୁ ନ ଯିବ 

      ଶେଷକୁ ପାମ୍ପଡ଼ ଖିରି ll 

ଆମେ ସର୍ଵ ସାଥି ହୃଦୟେ ନିର୍ମଳ 

       ନିର୍ମଳ ଆମ ଭାବନା l 

ଗାଡ଼ିଆ ପାଣିଟି ଶାସ୍ତ୍ରରେ କଥନ 

      ହୁଏ ଗଙ୍ଗାଜଳ ସିନା ll 

ମୋହିନେଲେ ମନ ଶ୍ରୀମନମୋହନ 

      କଥା ଦୁଇ ପଦ କହି l 

ଦୀର୍ଘଜୀବି ହେଉ ଆମ ଏ ବନ୍ଧନ 

   ସବୁ ଆମ୍ଭେ ଭଗ୍ନୀ ଭାଇ ll 

ଧନ୍ୟବାଦ ଧନ୍ୟବାଦ ଯଦୁ ଭାଇ 

   ଧନ୍ୟ ଧନ୍ୟ ତୁମେ ଧନ୍ୟ l 

ଭୋଜିଶେଷେ ସମସ୍ତଙ୍କୁ ଭୁଞ୍ଜାଇଲ 

     ଆଣି ବନାରସୀ ପାନ ll 

ଶୁଣ ସବୁ ସାଥି  ଆମ ବଣଭୋଜି 

      କଥା ଏଇଠି ରହିଲା l 

କହିବେ ଟିକିଏ ଆହେ ସାଥି ଗଣ 

     ଭୋଜି କିପରି ରହିଲା ll 

ଜୟ କୃପାମୟୀ ଶିଖରଚଣ୍ଡୀ ଲୋ 

         ବସିଛୁ ପର୍ବତ ମଣ୍ଡି l 

ତୋ କୃପାରୁ ସିନା ଆମ୍ଭେ ସର୍ଵସାଥୀ 

     ପୀଠେ ହୋଇଥିଲୁ ରୁଣ୍ଡି ll 

               🙏🙏🙏

                  ଅର୍ଜୁନୀ 

          --------------

ଅର୍ଜୁନୀ ଚରଣ ବେହେରା

ମୋ -୭୬୯୩୦୯୧୯୭୧