ଶୀତ ସକାଳ
ଶୀତ ସକାଳ
ଶୀତ ସକାଳର କାକର ବିନ୍ଦୁରେ
ସୂରୁଜର ପହିଲି କିରଣ ଝଲସେ
ଗେଣ୍ଡୁ, ସେବତୀ, ଗୋଲାପ ଫୁଲ ସୁଗନ୍ଧେ
ଚତୁର୍ପାର୍ଶ୍ୱ ମହ ମହ ବସେ ।
ଶୀତ ଥର ଥର ଦେହେ
ପୋଖରୀ ତୁଠରୁ ଗାଁ ଦାଣ୍ଡ ଯାଏ
ଚଦର, କମ୍ବଳ ଘୋଡା ମୁହେଁ
ଆଳସ୍ୟ ସ୍ପଟ ବାରି ହେଉଥାଏ
ଗାଁ କିଆରୀ ରେ ସୁନାର ଧାନ ଫସଲ
ଲହରୀ ମାରି ହସୁଥାଏ ।
କାଶତଣ୍ଡୀ ଫୁଲେ ରାସ୍ତାର ଦୁଇପାର୍ଶ୍ଵ
ଅତି ମନଲୋଭା ଦିଶୁଥାଏ
ପୋଖରୀରେ କଇଁ, ପଦ୍ମ ଫୁଟି
ଚିତ୍ରକର ତୁଳୀ ରେ ହୃଦୟସ୍ପର୍ଶୀ ଚିତ୍ର ଆଙ୍କୁଥାଏ ।
କୁହୁଡ଼ିଆ ରାସ୍ତାରେ ଚାଲୁ ଚାଲୁ
ପିଲାଦିନ କଥା ମନେପଡିଯାଏ
କାକର ବିନ୍ଦୁରେ ବୁଲିବାପାଇଁ
ମନରେ କେତେ ଉନ୍ମାଦ ଭରିଥାଏ।
ସାଂଗମେଳେ ଚା ର ଖଟି
ଭିନ୍ନ ଆସର ଜମାଉଥାଏ
ଶୀତ ସକାଳରେ ଶୀତର ଲହରୀ
ସୁରୁଜ ଆଗମନେ
ଧୀରେ ଧୀରେ ଫିକା ପଡୁଥାଏ ।