ଶୀତ ରାଣୀ

ଥିରି ଥିରି ଚୁପି ଚୁପି ପହିଲି ଓଢଣୀ ଟାଣି

ପ୍ରୀତିର ପରଶେ ଝୁମି ଆସିଚି ମୋ "ଶୀତ ରାଣୀ"।

 

ଶୀତରାଣୀ ନୁହେଁ ସେ ତ ସପନ ର ରାଣୀ

 ସୋରିଷ କ୍ଷେତ ର ସୁନା ହରିଣୀ.।

 

 ଧନୀ ର ମାନସୀ ଅଳସୀ ପ୍ରେୟସୀ

ନିର୍ଦ୍ଧନୀର ସିଏ ଲଷ୍ମୀ ଠାକୁରାଣୀ.।

ଭିଜା ଭିଜା କାକର ଟୋପାରେ

ଝରା ଶେଫାଳି ର ବାସ୍ନାରେ,।

ଶୀତଳ ଜହ୍ନ ଜୋଛନା ରେ

ଆଞ୍ଜୁଳାଏ ଫୁଲ ଚାଙ୍ଗୁଡ଼ିରେ ।

ମୃଦୁ ମନ୍ଦ ସମୀରଣରେ

ଝାପ୍ସା ଝାପ୍ସା ଛାଇ ଆଲୁଅ ରେ ।

ସଞ୍ଜ ବେଳ ନିଆଁ ଝୁଲ ଉଷ୍ମତା ରେ

ଗାଢ଼ ରାତ୍ରୀ ରେଜେଇ ଭିତର ନିରୋଳା ଚୁମ୍ବନରେ।

ଲାଲ ଗୋଲାପ ର ରକ୍ତ ପାଖୁଡ଼ାରେ

ଫୁଲ ଭରା ବଗିଚାରେ ପ୍ରଜାପତି ଭ୍ରୁ ଗୁଞ୍ଜନରେ ।

ମଗୁଶିର ମାଣବସା ଧାନ କେଣ୍ଡାରେ

ସୀମନ୍ତିନୀର ଗୁରୁବାର ଝୋଟି ଚିତାରେ ।

ହସ ହସ ଚାଷୀ ଭାଇର ଧାନ ଖଳାରେ

ପରିବା କ୍ଷେତର ଖୁସି ର ଲହରୀରେ ।

ସତ କହୁଚି ସବୁକିଛି ହୋଇଯିବ ଅସଜଡ଼ା ତମେ ଚାଲିଗଲା ପରେ

ରାଣ ରହିଯାଅ ସବୁଦିନ ପାଇଁ ହୃଦୟର ଚାରି କାନ୍ଥରେ.।।