ସ୍ୱାଧୀନତାର ପ୍ରସ୍ତୁତି ପର୍ବ

୭୭ତମ ସ୍ୱାଧୀନତା ର ପ୍ରସ୍ତୁତି ପର୍ବ

ଆଗେଇ ଚାଲିଛି ବୀର ଦର୍ପରେ

ପଥପ୍ରାନ୍ତ ନାଟକ ବାଜା ନିଶାଣରେ

ପୁର ପଲ୍ଲୀ ନଗର ସହରେ ବଡ ଧୁମ ଧାମରେ ।

ଘର ପାଖ ବିଦ୍ୟାଳୟ ରୁ ଶୁଭେ 'ଜନ ଗଣ ମନ '

ଜାତୀୟ ସଂଗୀତର ସ୍ୱର,

ଖଣ୍ଡେ ଦୂର  ଆର୍ମି କ୍ୟାମ୍ପର ପରେଡ଼ ରୁ

ମନେପଡେ ସେଦିନ ର କଥା କାରଗିଲ ବିଜୟର!

ବେବିନା, ମାଧବୀ ଏମାନେ କଣ

ପାଳୁ ନ ଥିଲେ ପ୍ରସ୍ତୁତି ଉତ୍ସଵ

ଉଡାଉ ନ ଥିଲେ ସ୍ୱାଧୀନତା ର ଧ୍ୱଜl?

ମଣିପୁର ର ଵିଵସ୍ତ୍ର ମହିଳା, କରୁ ନ ଥିଲେ କି

ଦେଶ ମାତୃକାର ପୂଜା?

ଯୌତୁକ ନ ଦେବା ଭୟରେ କନ୍ୟା ଭ୍ରୁଣ ହତ୍ୟା

ଅ ଭାବି ପଣିଆର ଦ୍ୱାହି ଦେଇ ମାନ ବିକତାର ନିଲାମ.

ରାଜରାସ୍ତାରେ ଯୁବତୀ ଝିଅର ଗଣ ଦୁଷ୍କର୍ମ

ନିରୀହ କୋମଳମତି ନାବାଳିକାର ଆକୁଳ ନିବେଦନ।

ଏସବୁ କଣ ସ୍ୱାଧୀନତା ର ଦିଗଦର୍ଶନ?

ହେ ମୋର ସ୍ୱାଧୀନ ଭାରତ ର ନାଗରିକ,

ଖୋଲି ଦିଅ ତୁମ ପାଦୁ ପରାଧୀନତାର ଶୃଙ୍ଖଳ

ଉନ୍ମୁକ୍ତ କର ଚିନ୍ତା, ଚେତନା ର ଦ୍ୱାର

ବିକାଶ କର ବୌଦ୍ଧିକ ତାର ପରିଭାଷା

ମୂଲ୍ୟାୟନ ହେଉ ରାମ ରାଜ୍ୟ ର ସତ୍ତା ।

ସାକାର ହେଉ ଗାନ୍ଧିଜୀ ଙ୍କ ସ୍ବପ୍ନ

ସାର୍ଥକ ହେଉ ସ୍ୱାଧୀନ ଭାରତ ର

ସ୍ୱାଧୀନତା ର ପ୍ରସ୍ତୁତି ପର୍ବ ।