ସମୟ

   ସମୟଟା ଖେଳେ ଲୁଚକାଳି

       ବୟସରରାଜରାସ୍ତାରେ

 ଜୀବନ ତ ଛକିଶୂନ ଖେଳ

     ରଙ୍ଗୀନ ଦୁନିଆରେ ।

 କେବେ ଦେଖେ ଶୈଶବର

        ଖିଲି ଖିଲି ହସ ତ

 କେବେ ଯୌବନର ଉତ୍ତାଳ ତରଙ୍ଗ

     ଆଉ କେବେ ପ୍ରୋଢତାର କ୍ରୁର ପରିହାସ ।

କେବେ ପ୍ରୀତିର ନିଶାରେ

      ଗଢେ ପ୍ରେମର କୋଣାର୍କ ତ

କେବେ ପ୍ରତାରଣାର ପ୍ରତି ଛବିରେ

    ଦେଖେ ଭଗ୍ନଶୀଳାର ରୂପ ।

କେବେ ଦିଏ ମୃତ୍ୟୁର ଆହ୍ୱାନ ତ

     କେବେ ପୁଣି ରାଜଉଆସର ସ୍ବପ୍ନ

 କେବେ ମଦିରାର ମତୁଆଲା ତ

    କେବେ ପାଗଳର ପ୍ରଳାପ ।

କେବେ ନିର୍ଜନତାର ବିଳାପ ତ

   କେବେ ନିଃସଙ୍ଗତାର ଆକୁଳ କ୍ରନ୍ଦନ

କେବେ ଯାଦୁଗରର ଝୁଲା ମୁଣି ତ

   କେବେ ଖୁସି ଦରିଆର ଅପୂର୍ବ ମିଳନ ।

ଦିନ ପରେରାତି,ରାତିପରେ ଦିନ

   ହୁଏ ଜୀବନର ଉଥାନ ପତନ

 କିଏ ଜାଣେ ନିୟତି କାହା ସାଥି ଦେବ

   "ସମୟ ଟା ବଡ ବଳବାନ । । "