ନୂଆ ବରଷ
ନୂଆ ବରଷ
ହେ ନୂଆ ବରଷ
ତୁମ ଆସିବାକୁ ଅପେକ୍ଷା କରିଛି
ପ୍ରୀତିର ମଶାଲ ଜାଳି
ଝରକା ଫାଙ୍କରେ ପର୍ଦା ଆଢୁଆଳେ
ପ୍ରେମର ପ୍ରଦୀପ ଧରି ।
ଅଵଗୁଣ୍ଠନ ର ଓଢଣୀ ତଳେ
ସ୍ମୃତି ଗାଲିଚାର ହସ
ମନ ମତାଣିଆ ସୋରିଷ କ୍ଷେତରେ
ମୁକୁତା ଵିନ୍ଦୁର ସ୍ପର୍ଶ ।
ଶୀତ ସକାଳର ଭିଜା କାକରରେ
ଗୋଲାପ ଗୁଚ୍ଛ ଟେ ଧରି
ସମ୍ବର୍ଦ୍ଧନା ପାଇଁ ଚାତକେ ଚାହିଁଚି
ଅଭ୍ୟର୍ଥନା ଥାଳି ଧରି ।
ହେ ନୂଆ ବରଷ ନୂତନ ବନ୍ଧୁ ହେ
ଏତିକି କରୁଣା କରିବ
ସବୁ ଦୁଃଖ କଷ୍ଟ ପଛରେ ପକାଇ
ସୁଖ ସାଉଁଟାଇ ଆଣିବ ।
କ୍ୟାଲେଣ୍ଡର ପୃଷ୍ଠା ଓଲଟାଇ ଦେଲେ
ତିଥି ବାର ଗୁଡା ଗଡିବ
କୋଭିଡ ହଟାଇ ହସ ଖୁସି ନେଇ
ବିଜୟର ଧ୍ବଜା ଗାଇବ ।