ଶୀତ ପାଇଁ ଗୀତ
ଶୀତ ପାଇଁ ଗୀତ
ଆସ ମୋ ବଉଳ ଆସ
ଆସିଲେଣି ମୋର ସଇ ସଙ୍ଗାତ
ବଉଳ ଲୋ
ଗାଇବା ଶୀତର ଗୀତ
ବଉଳ ଲୋ ।
ଧିରେ ଧିରେ ଆସେ ଶୀତ
ଅଳପ ଅଳପ ହୋଇ ବହୁତ
ବଉଳ ଲୋ
ହରି ନିଏ ଆମ ଚିତ୍ତ
ବଉଳ ଲୋ ।
ଶୀତ ଲୁଗାପଟା ଆଣ
ପିନ୍ଧିବା ତାହାକୁ କରି ଯତନ
ବଉଳ ଲୋ
ଭାଙ୍ଗିବା ଶୀତର ଟାଣ
ବଉଳ ଲୋ ।
ପିଇବା ଉଷୁମ ପାଣି
ଥଣ୍ଡା କାଶ କଫ କିଛି ହେବନି
ବଉଳ ଲୋ
ଉଷୁମ ଲାଗିବ ପୁଣି
ବଉଳ ଲୋ ।
ରାତିରେ ପଡେ ଶିଶିର
ଘରୁ ବାହାରିଲେ ଘୋଡାଅ ଶିର
ବଉଳ ଲୋ
ନଥିବ ଥଣ୍ଡାକୁ ଡର
ବଉଳ ଲୋ ।
ମାଣବସା ଗୁରୁବାର
ଆସୁଛି ଆଗକୁ ଘର ଦୁଆର
ବଉଳ ଲୋ
ଝୋଟି ଦିଶିବ ସୁନ୍ଦର
ବଉଳ ଲୋ ।
ଆସ ଲୋ ବଉଳ ଆସ
ପୁଚି ଖେଳି ଆମେ ହେବା ହରଷ
ବଉଳ ଲୋ
ଶୀତର ହୋଇବ ଶେଷ
ବଉଳ ଲୋ ।
ବରଷକେ ଥରେ ଶୀତ
ଋତୁ ଆସିଛି ସେ ଆମରି ମିତ
ବଉଳ ଲୋ
ଆନନ୍ଦ ଦିଏ ବହୁତ
ବଉଳ ଲୋ ।