ଲାଇବ୍ରେରୀ
ପ୍ରୋଫାଇଲ୍
ଶୀତ ଗାଏ ଗୀତ
ଶୀତ ଗାଏ ଗୀତ
1 min
239
କେତେ ଶରଧାରେ ବିଧାତା ତୁମକୁ
ଗଢିଛି ଯତନ କରି
ତୁମରି ରୂପର ଆଲୁଅରେ ସଖୀ
ଅନ୍ଧାର ଗଲାଣି ଡରି I
ମତିଭ୍ରମ ହୁଏ ତୁମକୁ ଦେଖିଲେ
ଶୁଣିଦେଲେ ତୁମ ସ୍ୱର
ଶୀତ ସକାଳର କାକରରେ ଭିଜି
ତୋଳେ ମୁଁ କୁହୁଡି ଘର I
ଆଖି ତଳେ ମୋର ବସା ବାନ୍ଧିଅଛ
ରହିଛ ମୋ ମନତଳେ
ତୁମରି ଉପରେ ସକାଳ ସୂରୁଜ
ପହିଲି କିରଣ ଢାଳେ I
ତୁମପାଇଁ ମିତ ଶୀତ ଗାଏ ଗୀତ
ହେମାଳ ପବନ ତାନେ
ଚାନ୍ଦ ସହ କଇଁ ନିଶାର୍ଦ୍ଧେ ଯେପରି
କଥାହୁଏ ମନେ ମନେ I
