ସହିଦ୍ ତୁମକୁ ସଲାମ୍
ସହିଦ୍ ତୁମକୁ ସଲାମ୍
ଭାରତ ମାଆର ହେ ବୀର ସନ୍ତାନ ଯବାନ
ତୁମପରି ପୁତ୍ର ପାଇ ଏ ଭାରତ
ହୋଇଅଛି ଆଜି ଧନ୍ୟ ।
କର୍ତ୍ତବ୍ୟର ପଥେ ଜାଗି ଅଛ ସଦା
ଦେଇ ନାହଁ ପଛ ଘୁଞ୍ଚା
ବାହୁବଳେ ତୁମ ଶତ୍ରୁକୁ ଜିଣିଛ
ମନେ ତୁମ୍ଭ ନାହିଁ ଇର୍ଷା ।
ତୁମପାଇଁ ସିନା ଏ ଭାରତ ଭୂଇଁ
ଟେକିଛି ସର୍ବଦା ମଥା
ବିଜୟର ପଥେ ଉଡ଼ାଇଛ ତୁମେ
ପୂତ ତ୍ରିରଙ୍ଗା ପତାକା ।
ମନରେ ଧରିଛ ଦେଶ ପ୍ରେମ ଭାବ
ହାତରେ ଗୁଳି ବନ୍ଧୁକ
ମାଟି ମାଆ ପାଇଁ ଆତ୍ମବଳି ଦେଇ
ରଖିଛ ମାଟିର ଟେକ ।
ତୁମରି ବିଛେଦେ ଦେଶବାସୀ ଆଜି
କରୁଛନ୍ତି ଅଶ୍ରୁପାତ
ତୁମ ପାଦତଳେ ଭକ୍ତି ପୁଷ୍ପ ଦେଇ
ସଲାମ୍ କରେ ଏ ଭାରତ ।