ବିଦ୍ୟାର୍ଥୀ
ବିଦ୍ୟାର୍ଥୀ
ଗୁରୁ କୁଳର ବିଦ୍ୟାର୍ଥୀଟିଏ ମୁଁ
ପାଠ ପଢ଼ା ମୋର କର୍ମ
ପିତା ମାତା ଆଉ ଗୁରୁଜନ ସେବା
ଅଟଇ ପରା ମୋ ଧର୍ମ ।
ଚରିତ୍ର ଅଟଇ ମୋର ରୂପ ଗୁଣ
ଏକାଗ୍ରତା ମୋର ମନ
ଭଲ କାମେ ସଦା ଲଗାଇବି ଲୟ
କରିବିନି ଅଭିମାନ ।
ପାଠପଢ଼ି ଦିନେ ହେବି ମୁଁ ସ୍ୱାକ୍ଷର
ହେବି ବଡ଼ ଅଫିସର
ଯବାନ ହୋଇ ମାନ ମୁଁ ରଖିବି
ଏଇ ମୋ ମାଟି ମାଆର ।
ଜ୍ଞାନୀ ଜନଙ୍କଠୁ ଜ୍ଞାନ ଅରଜିବ
ଅଜ୍ଞାନଙ୍କୁ ବିତରିବି
ଦୁଃଖୀ ରଙ୍କି ସେବା ପରହିତ ପାଇଁ
ଜୀବନ ମୋ ସମର୍ପିବି ।
ବୟୋଜ୍ୟେଷ୍ଠ ଜନେ କରିବି ସମ୍ମାନ
ଛୋଟମାନଙ୍କୁ ଆଦର
ସଭିଙ୍କୁ ଦେଖିବି ସମ ଦୃଷ୍ଟି ଦେଇ
ସଭିଏଁ ମୋ ଆପଣାର ।
ପାଠପଢ଼ି ଦିନେ ରଖିବି ମୁଁ ମାନ
ମୋ ପୂଜ୍ୟ ବାପା ମାଆର
ତେବେ ଏକା ସିନା ସାର୍ଥକ ହେବ
ଏ ଛାତ୍ର ଜୀବନ ମୋର ।