ପ୍ରେମିକ

ପ୍ରେମିକ ନୁହେଁ ମୁଁ କେଉଁ ପ୍ରେମିକାର

ପ୍ରେମିକ ନୁହେଁ ମୁଁ କେଉଁ ଝିଅର

ପ୍ରେମିକ ମୁଁ ମୋ ଲେଖନୀର

ପ୍ରେମିକ ମୁଁ ସାହିତ୍ୟର ।

ହେ ସାହିତ୍ୟ ସତରେ ତୁମକୁ ପାଇ

 ଆଜି ମୁଁ ବହୁତ ଖୁସି ।

 ତୁମ ସହ ଦେଖା ହେଲା ପରେ 

 ଭୁଲି ଯାଇଛି ସବୁ ଦୁଃଖ ଆଉ ଯନ୍ତ୍ରଣାକୁ ।

 ହଜେଇ ଦେଇଛି ନିଜକୁ

 ତୁମ ଭିତରେ ।

 ଭିଜି ଯାଇଛି ଆଜି ତୁମରି

 ପ୍ରେମ ବର୍ଷାରେ ।

 ବସିପଡ଼େ ଯେବେ ତୁମ ସାଥେ

 ଭୁଲିଯାଏ ସବୁ ଭୋକ ଶୋଷ ।

 ଆଖି ଖୋଲି ଦେଖେ ଯେବେ ତୁମକୁ 

 ପ୍ରତିଟି ପୃଷ୍ଠାରେ ଦିଶ ନୂଆ ରୂପରେ ।

 କେବେ ତୁମେ କବିର କଲମ ମୁନରେ ତ

 ଆଉ କେବେ ଗାୟକର କୋମଳ କଣ୍ଠରେ ।

 ତୁମଠୁ ଶିଖିଛି ମୁଁ ଶାନ୍ତି , ମୈତ୍ରୀ ଆଉ

 ସମ୍ପର୍କର ମୂଲ୍ୟ ।

 ତୁମଠୁ ଶିଖିଛି ପୁଣି ଏ ଦୁନିଆଁର ରୀତି ନୀତି ।

 ତୁମେ ହିଁ ସାଇତି ରଖିଛ ଅତୀତ

 ବର୍ତ୍ତମାନ ଆଉ ଭବିଷ୍ୟତକୁ ।