ଶ୍ଵେତ ପଦ୍ମାସନୀ

ଶ୍ଵେତ ପଦ୍ମାସନୀ ମା' ହଂସ ବାହିନୀ

ଜ୍ଞାନ ଦାତ୍ରୀ ସରସ୍ଵତୀ,

ହୃଦୟ କନ୍ଦରେ ପଦାର୍ପଣ କର

ବିଦ୍ୟା ଦିଅ ବିଦ୍ୟାଦାତ୍ରୀ ।।

ମୁହିଁ ମୂଢ ମାଗୋ ଅଧମ ପାପିଷ୍ଠ

ଜାଣେ ନାହିଁ ଜପ ଧ୍ୟାନ,

ମାତା ସରସ୍ଵତୀ କୃପା କଟାକ୍ଷ ରେ

କର ଭକ୍ତି ରସାମୃତ ଦାନ ।।

ସଂସାର ପଞ୍ଜୁରୀ ବଡ କଷ୍ଟଦାୟ

ହୁଏ ପ୍ରାଣ ଛଟପଟ,

ଅଜ୍ଞାନ ଅନ୍ଧାର ଦୂରିଭୂତ କର

 ମନ ହେଉ ଜ୍ଞାନପୀଠ ।।

ବିନା ଜ୍ଞାନେ ନର ହୁଏ ପଶୁ ସମାନ

ସଠିକ,ଭୂଲ ର ପ୍ରଭେଦ ନାହିଁ,

ଜ୍ଞାନ ଦାତ୍ରୀ ସରସ୍ଵତୀ କୃପା ବଳେ

ନର‌ ,ଦେବ ସମ ହୁଅଇ ।।