ରାକ୍ଷୀ

ଭାଇ ସାଥେ ବନ୍ଧା ଭାବର ବନ୍ଧନ

ଭଉଣୀର ପ୍ରେମ ସଦା ଅନୁପମ ।।

ନିଆରା ସମ୍ପର୍କ ଅତୁଟ ଏ ପ୍ରେମ,

ଦୁଇଟି ଶରୀର ଏକ ଆତ୍ମା ସମ ।।

ଜୀବନସ୍ରୋତରେ ଭିନ୍ନ ତାଙ୍କ ଗତି,

ରକ୍ଷା ବନ୍ଧନରେ ବନ୍ଧା ଦୁଇ ଜ୍ୟୋତି।।

ଦୁହେଁ ଦୁହିଁଙ୍କର ହୃଦୟ ସ୍ପନ୍ଦନ 

ଭାଙ୍ଗି ନ ପାରିବେ କେହି ଏ ବନ୍ଧନ ।।

ଅମର ପ୍ରେମର ଅଭୂଲା କାହାଣୀ,

ଦୁଇ ପ୍ରଭୁ ସଙ୍ଗେ ସୁଭଦ୍ରା ଭଉଣୀ ।

ଘୋଷଯାତ୍ରା ହୁଏ ଭଉଣୀର ସାଥେ,

ଭାବର ଠାକୁର ଚାଲନ୍ତି ଆନନ୍ଦେ ।।

ଭାଇ ଭଉଣୀର ଅନାବିଳ ପ୍ରେମ 

ପ୍ରତିକ ସ୍ୱରୂପ ଏ ରକ୍ଷାବନ୍ଧନ ।।