ଶେଷମେଘ
ଶେଷମେଘ
ମେଘଋତୁ ଆସିଥିଲା ପୁଣି ଫେରି ଯାଉଛି ଆଦ୍ୟ ଶରତ ର ଆଗମନୀ ରେ ଶେଷମେଘ ବିଦାୟବେଳା ରେ କହିଯାଉଛି ତା ହୃଦୟ ର କଥା |
ମର୍ତ୍ତ୍ୟ ରୁ ପାଇଲି ପ୍ରେମିକ ର ଚିଠି ମୁଗ୍ଧ ମଳୟ ର ହାତେ
ରହିପାରିବିକି ବିଶ୍ୱପ୍ରେମିକା ମୁଁ ମଧୁପୁରୀ ମୋର ଦେଶେ
ମୋହିନୀରାଜ୍ୟ ରୁ ଓ଼ଲ୍ହାଇ ଆସିଲି ମଞ୍ଜୁଳ ମୁଁ ମଞ୍ଜରିତେ
ଆଞ୍ଜୁଳିପାତି ତୋଳିନିଅ ମୋତେ ମକରନ୍ଦ ମଧୁକୋଷେ
ମୃଦୁମଦ|ଳସା ମାଧବୀମାଳିକା ମଘବତୀ ମେଘକନ୍ୟା
ମଲ୍ହାରତୋଳେ ଆକାଶ ର ବକ୍ଷେ ପ୍ରେମେ ହେଲି ଆନମନା
ମୋହିତମନ୍ମୟ ନୀଳଭାସ୍କର୍ଯ୍ୟ ରେ କରିବାକୁ ସତେ ଧନ୍ୟା
ମଗ୍ନ ମୁଁ ଆଜି ମାଟିରମହକେ ନୃତ୍ୟ ମୋ ଛନ୍ଦହୀନ| |
ମୌନ ଅଭିସାରେ ଆସିଥିଲି ମୁହିଁ ତେବେବି ଉନ୍ମତ୍ତା ପଥେ
ସାତସମୁଦ୍ର ଓ ତେରନଈଜଳ ବାହି ଇନ୍ଦ୍ରଧନୁ ର ରଥେ
ମଞ୍ଜିରମାଣିକ୍ୟ ମେଘାସିନୀଶିଖେ ହଜାଇଦେଇଛି ପଥେ
ଫେରିଚାହେଁ ନାହିଁ ସ୍ମୃତି ର ସନ୍ତକ ରହିଥାଉ ତୁମସାଥେ |
ମୁକ୍ତି ର ମୁହୂର୍ତ୍ତ ମୁକୁଳିତମନେ ମୌସୁମୀ ର ହାତଧରି
ବିଶ୍ୱପ୍ରେମିକା ମୁଁ ପ୍ରେମରେ ନିଃସ୍ବ ଯାଉଛି ଯାଉଛି ଫେରି |