ଶବ୍ଦ ବ୍ରହ୍ମ

ଶବ୍ଦ ମାନେ ମୋତେ ଛୁଇଁ ଦେବା ପରେ

ମୁଁ ଉଠିପଡ଼ିଲି

ସମୟ ର କବର ଭିତରୁ

ମହେଞ୍ଜୋଦାରୋ ଯୁଗରୁ ଶୋଇଥିବା

ସୁନାରଙ୍ଗୀ ପକ୍ଷୀ l

ସେ ଶବ୍ଦ,

ସମୁଦ୍ର ଅଭ୍ୟନ୍ତର

ପାତାଳପୁରୀ ର ଗୁମ୍ଫା ରେ

ସୁଷୁପ୍ତି ରେ ଥିବl

ସାମୁଦ୍ରିକ ବତାସ ର ଆଖି,

ଚେତନା ର ବରଫ ଶୃଙ୍ଗ ରୁ

ସଦ୍ୟ ସ୍ନାନ ସାରି ଫେରିଥିବା

ମନ୍ତ୍ରସିକ୍ତ ଶାନ୍ତଶୁଭ୍ର ଜlଙ୍ଗଲିକ ପକ୍ଷୀ l

ଭୋଗୁ ଥିବା ସମୟର ସାୟରୀ ଭିତରୁ ସେ

ଝରିପଡୁଥିବା ଲତପତ ବେଦନା ଵିନ୍ଦୁଏ,ଯେ ପୁଣି 

ଦେଇପାରେ ଆଶ୍ୱାସ ର ହିରଣ୍ମୟ ସ୍ପର୍ଶ,

ଗଢ଼ିପାରେ ଯୁଗଯନ୍ତ୍ରଣlକୁ ନେଇ

ବିଶ୍ୱାସ ର ଶହ ଶହ ନୂତନ ପୃଥିବୀ l

ସେ ଶବ୍ଦ ପୁଣି ମୋ ତୁରୀ୍ୟlତୀତ ଚେତନା ରେ

ଅହରହ ଶୁଭୁଥିବା, ଓଁକାର ର 

 ନିର୍ଲିପ୍ତ ବଂlଶୁରୀ ସ୍ଵନ ରେ

ମାଳ ମାଳ ବ୍ରହ୍ମାଣ୍ଡ ମଣ୍ଡଳ କୁ ଅନୁଭବିବା ର

ମନ୍ତ୍ର ଏକlକ୍ଷରୀ l

ଏମିତିବି କିଛି ଶବ୍ଦ ଥାଏ ଯାହାର ସ୍ମରଣ ମାତ୍ରକେ

ଫିଟିପଡ଼େ ଅବରୁଦ୍ଧ ଅଣସର

ମୁଁ ପାଲଟିଯାଏ ନିଜେ

ଅଣାକlର ଶବ୍ଦବ୍ରହ୍ମ,ନିଜକୁ ପଚାରେ ପୁଣି 

ସତରେ ମୁଁ ଶବ୍ଦ ଅବା କବି?