ଲାଇବ୍ରେରୀ
ପ୍ରୋଫାଇଲ୍
ଶବରୀ ଓ ଶ୍ରୀରାମ
ଶବରୀ ଓ ଶ୍ରୀରାମ
ଶବରୀ ଜଣଙ୍କ ଭିଲ ଜନଜାତି
ବୟସେ ବୃଦ୍ଧା ମହିଳା
ଯୁବତୀ ସମୟେ ବିବାହ ନ କରି
ପଶୁ ବଧେ ନିଉଛଳା !
ତାଙ୍କ ବିବାହରେ ପ୍ରଥା ଅନୁଯାୟୀ
ଏତେ ପଶୁ ବଧ ହେବେ
ମନରେ ତାଙ୍କର ବୈରାଗ୍ୟ ଆସିଲା
ବିହାହ ଠୁଁ ଦୂରେ ଯିବେ !
ବନସ୍ତେ ଚାଲିଲେ କର୍ମ ବି କରିଲେ
ଲୁଚି ଲୁଚି ଆଶ୍ରମରେ
ମତଙ୍ଗ ଋଷିଙ୍କ ନିତ୍ୟ ସେବା କରି
ମହିଲେ ତାଙ୍କୁ ଭକ୍ତିରେ !
ଭୀଲ ଜାତି ବୋଲି ଋଷି ମହୋଦୟ
କରିଲେନି ଜମା ଘୃଣା
ଅନୁକମ୍ପା କରି ଆଶ୍ରମ ନିକଟେ
କୁଡ଼ିଆ କଲେ ସ୍ଥାପନା !
ସଦା ଗୁରୁଭକ୍ତି ଭଗବଦ ଶକ୍ତି
ଦେଖି ଗୁରୁ ହୋଇ ପ୍ରୀତ
କହିଲେ ହେ ପୁତ୍ରୀ ଦେଖିବୁ ନୟନେ
ଦିନେ ଶ୍ରୀରାମଙ୍କୁ ଏଠି !
ପ୍ରତି ମୁହୂର୍ତ୍ତରେ . ସ୍ମରଣ କରିବୁ
ଆଜାନୁବାହୁ ଶ୍ରୀରାମ
ଅନୁଜ ଲକ୍ଷଣ ସତୀ ମାଆ ସୀତା
ପହଞ୍ଚିବେ ଏ ଆଶ୍ରମ !
ଗୁରୁଙ୍କ ବାଣୀରେ ପ୍ରଭାବିତ ହୋଇ
ରହିଲା ବାଟକୁ ଚାହିଁ
ଅନ୍ତର୍ଜାମୀ ରାମ ଆସିଥିଲେ ଦିନେ
ଶବରୀ ସାନ୍ନିଧ ପାଇଁ !
ଭକତିରେ ତାଙ୍କୁ ଖୁଆଇ ସରାଗେ
ସ୍ଵ ଅଇଁଠା ବରକୋଳି
ଭକ୍ତ ଭଗବାନ ଶବରୀ ଶ୍ରୀରାମ
ଆନନ୍ଦରେ କୋଳାକୋଳି।
ଏମିତିକା ପ୍ରଭୁ ଆମ ଜଗନ୍ନାଥ
କେତେ ଲୀଳା ସୃଷ୍ଟି କରି
ଜଗତ ପାଳନ୍ତି ପାବନ କରନ୍ତି
ଭାବ ବିନୋଦିଆ ହରି!
