ଶାଶ୍ୱତ ପ୍ରେମ
ଶାଶ୍ୱତ ପ୍ରେମ
ସବୁ ସମ୍ପର୍କର ଉର୍ଦ୍ଧ୍ବରେ ତୁମକୁ
ଦେଇଛି ସ୍ୱତନ୍ତ୍ର ସ୍ଥାନ
ପ୍ରୀତି ଜାହ୍ନବୀର ପାବନୀ ଗୋ ତୁମେ
ମୋ ଭାଗ୍ୟ ଆକାଶ ଜହ୍ନ ।
ସୁନ୍ଦର ତୁମର ମନ ପୁଷ୍ପ କଢ଼
ମହକେ ଭାବର ବାସ
ଶୂନ୍ୟ ଛାୟାପଥେ ମୁରୁଜ ବିଛାଇ
ହୃଦୟକୁ କଲ ବଶ ।
ଶିଖାଇଲ ନୂଆଁ ବଞ୍ଚିବାର ରାହା
ମରୁ ନିର୍ଝରିଣୀ ସାଜି
ନିସଙ୍ଗ ଜୀବନେ ନୀରବତା ଭାଙ୍ଗି
ପ୍ରୀତିଫୁଲ ଦେଲ ଖଞ୍ଜି ।
ମଧୁ ବସନ୍ତର ମଳୟ ମୋଦକ
ପରଷିଲ ତୁମେ ଆଣି
ପ୍ରୀତି ଫଗୁଣର ମଧୁର ପୁଲକ
ଆଗରୁ ନଥିଲି ଜାଣି ।
ଦାମୀ ଉପହାରେ ତଉଲି ପାରୁନି
ତୁମ ପ୍ରେମ ସଜଫୁଲ
ସୌଦାଗର ସାଜି କିଣି ପାରିବିନି
ପ୍ରେମ ଯେ ଅମୂଲ ମୂଲ ।
ସପ୍ତାହେ କି ବର୍ଷେ ସମୟ ପାତ୍ରରେ
ସରିବନି ମୋର ପ୍ରେମ
ପାଇବାକୁ ତୁମ ପ୍ରୀତି ମୁକ୍ତାହାର
ବାରମ୍ବାର ନେବି ଜନ୍ମ ।
ମିଠା ସମ୍ଭାଷଣେ ଆସ୍ଲେଶ ବନ୍ଧନେ
ରଖିବି ଆବଦ୍ଧ କରି
ହୃଦୟ ନୀଳୟେ ରଖିବି ସାଇତି
ହେବନାହିଁ କେବେ ଚୋରି ।
ଶାଶ୍ୱତ ପ୍ରେମର ପୂଜା କରୁଥିବି
ତ୍ୟାଗ ସମର୍ପଣ ଥୋଇ
ଦେହ ଦାହ ଉର୍ଦ୍ଧ୍ବେ ମୋ ପ୍ରେମ ରହିବ
ଚୀର ଅମଳିନ ହୋଇ ।