ଭୁଲ୍ ଠିକଣାର ଚିଠି
ଭୁଲ୍ ଠିକଣାର ଚିଠି
କେମିତି ଜାଣିବ କହିଲ ?
ତୁମେ ଦେଇଥିବା ଠିକଣାଟି ଭୁଲ ବୋଲି,
ମୁଁ କଣ ଯେ କେହିବି କହିବ,
ତୁମଠି ପୁଣି ଅବିଶ୍ୱାସର ପ୍ରଶ୍ନବାଚୀ !
ହୁଏତ ସୂର୍ଯ୍ୟ ତାରା ଭୁଲ ହୋଇପାରନ୍ତି,
ତୁମେ ଆଉ ତୁମକଥା ଥିଲା ଧ୍ରୁବ ସତ୍ୟ,
ମୋ ଭଳି ଯେତେ ପାଗଳ ପ୍ରେମିକଙ୍କ ଲାଗି,
ତୁମେ ବି ବେଶ ଖେଳିଲ ମୋ ସହ,
ଦୁନିଆ ଆଗରେ ନିଜକୁ ସତୀ ସାବିତ୍ରୀର ଆଖ୍ୟା ଦେଇ ।
ତୁମରି କଥାରେ ଦିନରେ ସେମିତି ଦେଖିଲି ଜହ୍ନକୁ,
ଯେମିତି ଠିକ୍ ତୁମେ ଚାହିଁଲ ,
ଇଛମତୀ ଋତୁସବୁ ହୋଇ ମୋ ଜୀବନରେ,
ଆରେ ଶୁଣ କଣ ଭାବୁଥିଲ ?
ଏ ଦୁନିଆ କଣ କହିବ ବୋଲି !
ନାଁ ସେମିତି କିଛି ନୁହଁ,
ଅଧିକ ହେଲେ କହିପାରେ କବି ଜଣେ ମରିଗଲା ,
ବିଶ୍ୱାସ କର ସେ ସମ୍ପର୍କର ସଂଜ୍ଞା,
ସେମିତି ରହିବ ଲୁକ୍କାୟିତ ସବୁରି ଆଗରେ,
ମୁଁବି ତୁମକୁ କେବେ କହିପାରିବିନି ଭୁଲିଯିବାକୁ,
ହୁଏତ ତୁମେ ଭୁଲିଯାଇପାର ତୁମରି ଇଚ୍ଛାରେ,
ମୋ ପ୍ରଥମ ଓ ଶେଷ ନିଷ୍ପତ୍ତିକୁ ସମ୍ମାନ ଦେବାକୁ ଯାଇ,
ଏପରି କରି ନପାର,
ନହେଲେ ଦୁନିଆ କଣ କହିବ ।
ତୁମେପରା ଗୋଟେ ପ୍ରେମୀର ପ୍ରେମିକା ଥିଲ,
ସମ୍ପର୍କର ଯମୁନାର କଣ ଏତେ ଅବିଶ୍ୱାସ ଥିଲା,
କଣ ଏଥିଲାଗି ରାଧା ଧାଇଁଆସୁଥିଲେ ଗୋପବନକୁ,
ସେଇତ ସମ୍ପର୍କ ସବୁରି ଉର୍ଦ୍ଧରେ,
ତୁମେ ମୁଁ ଆଉ ସମସ୍ତେ ଯେଉଁପଥର ପଥି ହେବାକଥା ,
ତୁମେ ଚାହିଁଲେ ଯାହା କରିପାର,
ମୁଁ ବା ତୁମକୁ କଣ କହିବି,
ଯଦି ତୁମେ ମୋତେ ନିଜର ଭାବୁନ
ସେମିତିରେ ମୁଁ କେମିତି କହିବି ସଠିକ ଠିକଣା ତୁମର ।