ଶାନ୍ତି ହିଁ ମୁଖ୍ୟ

ଭାରତ ଆମର ଶାନ୍ତିର ଦେଶ

ଶାନ୍ତି ମୈତ୍ରୀ ବାର୍ତ୍ତା ବାଣ୍ଟେ ଜଗତେ,

 ଜନ୍ମିଥିଲେ ଏଠି କେତେ ପୂଣ୍ୟାତ୍ମା 

ଶାନ୍ତି ପ୍ରଚାରକ ଥିଲେ ଯେ କେତେ l

ଅହିଂସାର ବାଣୀ ଶିଖାନ୍ତି ଗାନ୍ଧିଜୀ

ଶାନ୍ତି ତାଙ୍କର ବାଣୀରେ ଥିଲା,

ଅସହଯୋଗର ମଶାଲ ଜାଳିଲେ

ଦେଶଟି ଆମର ସ୍ୱାଧୀନ ହେଲା l

ବୁଦ୍ଧଙ୍କର ନୀତି ଶାନ୍ତି ପାଇଁ ସଦା

ପଥକୁ ଆମକୁ ଦେଖାଇଥିଲେ,

ବିବେକାନନ୍ଦ ଯେ ଚିକାଗୋ ଠାରେ 

ବିଶ୍ୱ ଭାତୃତ୍ୱର ବାରତା ଦେଲେ l

ଗୀତା ଭାଗବତ ପୁରୁଣା ସଂସ୍କାର

ଶାନ୍ତି ବୀଜ ବୁଣେ ହୃଦୟେ ଆମ,

ଛାଡି ହିଂସା ଦ୍ୱେଷ ଲୋଭ ମୋହ ଆଦି

ଶାନ୍ତିରେ ଜୀବନ ଜିଇଁବା କର୍ମ l

ଯୁଦ୍ଧ ଡାକିଆଣେ ଅନେକ ବିପତ୍ତି

ଅର୍ଥନୀତି ସଦା ଭୁଶୁଡ଼ି ଯାଏ,

ଜନ ଜୀବନଙ୍କୁ କ୍ଷତି ପହୁଞ୍ଚାଇ

ଲୁହ ଓ ଲହୁର ବନ୍ୟା ଛୁଟାଏ l

ଅନାଥ କରଇ କେତେଯେ ଶିଶୁଙ୍କୁ

ଚପଳତା ତାଙ୍କ ଛଡାଇ ନିଏ,

ଖାଦ୍ୟ ଅଭାବରେ କର୍ମ ଅଭାବରେ

ଜନତାଙ୍କୁ ଜର୍ଜରିତ କରାଏ l

ଶାନ୍ତି ଜୀବନର ପରମ ଆସ୍ପଦ

ଭାଇଚାରା ଓ ସଦଭାବନା ବାଣ୍ଟି 

ବିଶ୍ୱଭାତୃତ୍ୱରେ ବାନ୍ଧିହେଲେ ସର୍ବେ 

ଦେଶ ଓ ଦଶର ହେବ ଉନ୍ନତି l

ଶାନ୍ତି ଆଣଇ ଜୀବନେ ଆନନ୍ଦ

ଅଶାନ୍ତ ଜୀବନ ରୋଗର ଘର,

ଈଶ୍ୱରଙ୍କ ପାଶେ ମନ ନିବେଶିଲେ

ଶାନ୍ତି ବିରାଜିବ ହୃଦେ ଆମର ।