ସେତୁ
ସେତୁ
1 min
200
କିଛି ସେତୁ ଥାଏ ବାନ୍ଧି ଦେବାକୁ
କିଛି ଥାଏ ନଦୀ ପାର ହେବାକୁ
ବୁଝାମଣାରେ ହୁଏ ଯେଉଁ ସେତୁ
ସରସ କରେ ସେ ଜୀବନ ରାସ୍ତାକୁ ।
ଚନ୍ଦ୍ର ସୂର୍ଯ୍ୟ ସତେ ଦୁଇଟି ଦିଗ
ଏକ ବିନା ଆର ପାଏନା ମାର୍ଗ
ନଥିଲେ ବୁଝାମଣା ତାଙ୍କଠାରେ
ହୁଅନ୍ତା କି ଦଶା ଥରୁଟେ ଭାବ ।
ରାତି ଯାଆନ୍ତାନି ଦିନ ଆସନ୍ତାନି
ସକାଳ କି ସଞ୍ଜ ଜାଣି ହୁଅନ୍ତାନି
ଋତୁ ନ ବଦଳି କି ଅବସ୍ଥା ସତେ
ଜଗତ ଆଗକୁ ବଢ଼ି ପାରନ୍ତାନ୍ତି ।
ନଥିଲେ ଆପୋଷ ବୁଝାମଣାଟି
ମରଣ ଯନ୍ତାରେ ରୁହେ ପ୍ରାଣଟି
ନିଃଶ୍ୱାସ ଅପେକ୍ଷା ବିଶ୍ଵାସ ବଡ
ଏକଥା ସଦା ମନେ ହେଜଟି ।