ସେକାଳ କଥା

ଆମ ଜେଜେ ଦିନେ ବଖାଣି ବସିଲେ

ତାଙ୍କ ପିଲାଦିନ କଥା ,

କହିଲେ-"ପିଲାଏ ସେ ସବୁ ଶୁଣିଲେ

ଘୂରିଯିବ ତୁମ ମଥା

ସେବେ ଚଳୁଥିଲା ଅଣି ,ଦୁଇଅଣି

ଟଙ୍କାକଟା ଷୋଳଅଣା ,

ସୁଉକି ,ଅଧୁଲି ,ପାହୁଲା କରିକି

ଟଙ୍କା ହେଉଥିଲା ଗଣା

ଶହେ ପଇସାରେ ଏକଟଙ୍କା ଏବେ

ତୁମେ ସବୁ ଅଛ ଜାଣି ,

ସେତେବେଳେ ଥିଲା ଚୌଷଠି ପଇସା

ଆଚମ୍ବିତ ହେବ ଶୁଣି

ଅଣି ,ଦୁଇଅଣି ପାଞ୍ଚ ପଇସାର 

ମୂଲ୍ୟଟା ବହୁତ ଥିଲା ,

ଗୋଟିଏ ଟଙ୍କାରେ ଭଳି ଭଳି ଚିଜ

ସହଜରେ ମିଳୁଥିଲା

ଚାରି ପଇସା ତ ମାଆ ଦେଉଥିଲା

ଦେଖିଗଲାବେଳେ ଯାତ ,

ସେଇ ପଇସାରେ ଜଳଖିଆ ଖାଇ

ପୂରି ଯାଉଥିଲା ପେଟ

ନିଶ ମୋଡ଼ି ଜେଜେ କହିଲେ ଆହୁରି

ଏବେ ମହରଗ କାଳ ,

ଶହେ ଟଙ୍କାରେ ବି ମିଳୁନି ସହଜେ

ଖାଇବାକୁ ପୁଞ୍ଜେ ଫଳ

ଆନ ଦରବର ଭାଉ କଥା ଛାଡ଼

ବଖାଣିବି କେତେ ଆଉ ,

ସେ କାଳ ,ଏ କାଳ କଥା ତ ଜାଣିଲ

ଆଜିକ ସେତିକି ଥାଉ