ସେଇ ସ୍ମୃତି.......

ସାକ୍ଷୀ ଏହି ରାତି, ସାକ୍ଷୀ ଏଇ ଜହ୍ନ 

  ସାକ୍ଷୀ ଏଇ ଆକାଶର ଝିଲି ମିଲି ତାରା, 

ଆମ ପ୍ରେମ କାହାଣୀର ସେଇ ସ୍ମୃତି ଏବେ 

  ଲିଭି ନାହିଁ ମନରୁ,ଦିଅଇ ଯେବେ ଧରା|

ସାକ୍ଷୀ ଏହି ନଈ, ସାକ୍ଷୀ ଏହି ନୌକା 

  ସାକ୍ଷୀ ଏହି ନଈର ପାଣି ଆଉ କୁଳ, 

ଆମ ନୌକା ବିହାରର ସେଇ ସ୍ମୃତି ସବୁ 

   ଯାଇ ନାହିଁ ମନରୁ,କରେ ବଡ଼ ବ୍ୟାକୁଳ |

ସାକ୍ଷୀ ଏହି ବାଲି,ସାକ୍ଷୀ ଲିଭିଥିବା ଚିହ୍ନ 

  ସାକ୍ଷୀ ଏଇ ବାଲିର ଯେତେ ସବୁ ଶାମୁକା, 

ଆମ ଏକାନ୍ତରେ ବିତି ଥିବା ସେଇ ସ୍ମୃତି 

  ଥମୁ ନାହିଁ ମନରୁ,କହେ ଖେଳିବା ପାଇଁକା |

ସାକ୍ଷୀ ଏହି ତୋଟା, ସାକ୍ଷୀ ସବୁ ଗଛ 

  ସାକ୍ଷୀ ଏହି ତୋଟାର ସବୁ ସେହି ନିସ୍ତବ୍ଧତା, 

ଆମ ଲୁଚକାଳି ଖେଳର ସବୁ ସେଇ ସ୍ମୃତି 

  ଭରି ନାହିଁ ମନକୁ, ଭାବରେ ବଢାଏ ବ୍ୟଗ୍ରତା |

ସାକ୍ଷୀ ଏହି ବଗିଚା, ସାକ୍ଷୀ ଗଛ ଲତା 

   ସାକ୍ଷୀ ଏହି ବଗିଚାର ସବୁ ସୁନ୍ଦର ଫୁଲ, 

ଆମ ଫୁଲ ସଙ୍ଗେ ଖେଳର ସେଇ ସ୍ମୃତି 

   ଶୁଖି ନାହିଁ ମନରୁ,ଲାଗେ ଭାରି ଭଲ |

ସାକ୍ଷୀ ଏହି ରାସ୍ତା, ସାକ୍ଷୀ ଗୋଡି ମାଟି 

  ସାକ୍ଷୀ ଏଇ ରାସ୍ତାର ଯେତେ ସବୁ ନୀରବତା, 

ଆମ ଏହି ରାସ୍ତାରେ ଚାଲିର ସେଇ ସ୍ମୃତି 

  ଭାଙ୍ଗି ନାହିଁ ମନକୁ,କହେ ଭଲପାଇବାର ସୁନ୍ଦରତା |

ସାକ୍ଷୀ ଏହି ସମୟ, ସାକ୍ଷୀ ଏଇ ଅତୀତ 

   ସାକ୍ଷୀ ଏହି ସମୟ ଚକ୍ରର ସବୁ ଖେଳ, 

ଆମ ଭଲପାଇବାର ପବିତ୍ରତା ରହିଛି ସେଇ ସ୍ମୃତିରେ 

   ଯାଏ ନାହିଁ ମନରୁ, ଭୁଲିନି ମିଳନର ବେଳ |