●◆ସେଇ ଶେଷ କଫି◆●
●◆ସେଇ ଶେଷ କଫି◆●
ହଁ.ଆଜିବି ମନେ ଅଛି ମୋର ,
ତୁମ ସହ ପିଇଥିବା ଶେଷ କଫି...
ଆଉ ଆଜିବି ମନ କାଗଜରେ
ସେମିତି ଅଲିଭା ହୋଇ ପଡିରହିଛି ଆମର ସ୍ମୃତି ||
ସେଦିନର ସବୁ ଘଟଣାଗୁଡା ମନର ଭଙ୍ଗା ପ୍ରେକ୍ଷାଳୟରେ
କଳା ଓ ଧଳା ଛବି ପରି ନାଚି ଉଠୁଛି ..
ସେଦିନ ତୁମେ ଜୋରରେ କହୁଥିଲ ୱେଟରକୁ..
ଜଲଦି ଦୁଇ କପ କ୍ୟାପାଚିନୋ ଆଣିବାକୁ
ହେଲେ ମୋତେ ଜଣାନଥିଲା ଯେ
ସେ ଦୁଇ କପ କ୍ୟାପାଚିନୋ ଏ ଖୁସି ମଣିଷଟାକୁ
ଏକ ଜୀଅନ୍ତା ଶବ, ଦିଗହରା ମଣିଷଟେ ବନେଇଦବ ||
ତୁମ ସହ ମୋର ଶେଷ ଦେଖା ,
ତୁମର ସେଇ ଶେଷ କଫି,ଆଜିବି ମନେ ଥିଲେ ମଧ୍ୟ
ମୁଁ ତୁମକୁ ଝୁରି ଝୁରି ଜୀବନ ଯୁଦ୍ଧରେ ହାରିଯାଇଛି
ହେଲେ ଆମର ପ୍ରତିଟି ପ୍ରେମର ସ୍ମୃତି ଓ ଅନୁଭୂତିକୁ
ମନର ଶକ୍ତ ସିନ୍ଦୁକରେ ସାଇତି ରଖିଛି...।।