ସେଇ ମୋ ମାନିନୀ ସେଇ ମୋ ପ୍ରିୟା

ଆସ ନାହିଁ ଅଳି,

ଗୁଞ୍ଜନେ ତବ କରନା ,

ବିଦଗ୍ଧ ମୋ ହୃଦୟ,

ବାର ବାର ଆସି କରନା ଅଥୟ,

ମୁଁ ଯେ ନୁହେଁ ତୁମରି 'କଳି ' ,

ଚାହେଁନି ମୁଁ ହେବାକୁ ତୁମରି 'ପ୍ରିୟା '।

ଆଗୋ ଉର୍ମି ମାଳା ,

ଆସ କିଂପା ସାଥେ ନେଇ,

ତବ ବେସୁରା ରାଗିଣୀ ,

ଚାହେଁନା ମୁଁ ହେବାକୁ ବିଲୀନ,

ତୁମ ସାଥେ ଏ ସାଗର ବେଳାରେ,

ଯେଣୁ ନୁହେଁ ମୁଁ ତ ତୁମରି 'ତଟିନୀ ',

ଚାହେଁନି ମୁଁ ହେବାକୁ ତୁମରି 'ପ୍ରେୟସୀ '।

ଆଗୋ ଅଂଶୁମାଳୀ,

ଉଷାର ନବ ଅରୁଣିମା ନେଇ,

ଆସ କିଂପା ପାଶେ ମୋର ,

କାଟି ନାହିଁ ମୁଁ ବିନିଦ୍ର ରଜନୀ,

ତୁମରି ପ୍ରତୀକ୍ଷାରେ ,

ତବ କିରଣେ କରନା ବିଦଗ୍ଧ ମୋ ତନୁ,

ଯେଣୁ ମୁଁ ତ ନୁହେଁ ତୁମ 'କମଳିନୀ ',

ଚାହେଁନି ମୁଁ ହେବାକୁ 'ପ୍ରେମିକା 'ତୁମରି ।