କୁଞ୍ଜବନେ କାହ୍ନୁ
କୁଞ୍ଜବନେ କାହ୍ନୁ
ରଂଜ ରଂଜ ସଜ ସଂଜ ବେଳେ ଆଜ
କୁଞ୍ଜବନେ କାହ୍ନୁ ଆସିବ କି
ମନ୍ଦ ମନ୍ଦ ମୃଦୁ ମଧୁର ଆଳାପେ
ଅଧିର ହୃଦ ମୋ ରସିବ କି ।
ବସିବ କି ଅଙ୍ଗେ ଅଙ୍ଗ ଜଡ଼ି
କଷିବ ବି ବାହୁ ଛନ୍ଦେ ଭିଡି
ବଳେ କୋଳେ କରି ଅବା ଛଳ କରି
ଅଧରେ ଅଧର ରୋପିବ କି ।
ହୃଦେ ଭରି ଶତ ଶିହରଣ
ଅୟୁତ ବେପଥୁ ସଂଚାରଣ
ପ୍ରୀତି ନିଆଁ ଜାଳି ଅଙ୍ଗେ ଅଙ୍ଗେ ଢାଳି
ଧୃତି ରୀତି ଚିତ୍ତୁ ନାଶିବ କି ।
କାମନା କା ମନା ମାନେ କେବେ
ପ୍ରୀତି ପ୍ରଖର ବାରଣ ଯେବେ
ତେଜି ଯେତେ ଲାଜ ସରମକୁ ଆଜ
ନିବିବନ୍ଧୁ ବାସ ଖସିବ କି ।
ଅତି ଶଙ୍କାକୁଳ ରାଙ୍କା ମନ
ଶୁଭେ ବିଭାବରୀ ପଦ ସ୍ଵନ
ଏ ଯାଏ ଶ୍ରୀହରି ନଇଲେ କିପରି
ବେଦନା ବିରହ ଗ୍ରାସିବ କି ।