ଅସ୍ତିତ୍ୱ
ଅସ୍ତିତ୍ୱ
1 min
187
ତୁମେ
ମେଞ୍ଚାଏ ସମ୍ମୋହନ
ମୁଠେ ମାୟା
ସ୍ୱପ୍ନର ଇଲାକା
ପ୍ରେମର ତାଜମହଲ।
ତୁମେ
ମୋ ବଞ୍ଚିବା ସାଧନ
ଅଦ୍ଭୁତ ନିଶା
ବିଚିତ୍ର ଅନୁଭବ
ହସର ସକାଳ
ଭୋକର ପଖାଳ
ତୃପ୍ତିର ସ୍ତବକ
ପ୍ରାପ୍ତିର କୁଞ୍ଜବନ।
ତୁମେ ପ୍ରୀତିର ଯମୁନା
ସଙ୍ଗୀତର ସାତ ସୁର
ନୃତ୍ୟର ମହାନନ୍ଦ
କ୍ରୀଡ଼ାର ଉଛୁଳା ଆନନ୍ଦ।
ତୁମେ
ମୋ ସମ୍ଭାବନାର ସୃଷ୍ଟି
କବିତାର ଶବ୍ଦ
ଗଳ୍ପର ମାଧୁର୍ଯ୍ୟ
ମୋ ଜୀଇଁବାର ରାହା
ତୁମ ବିନା ମୁଁ କିଛି ନୁହେଁ
ମୋର ଅସ୍ତିତ୍ୱ ବି ନାହିଁ।