ସେଦିନର ବର୍ଷା

ଆଜି ଭାରି ମନେ ପଡେ ସେଦିନର କଥା

ହେଉଥିଲା ଦିନେ ବର୍ଷା

ପାଖେ ଥିଲା ଆମ ଗୋଟିଏ ଛତା।

ଭାବିଥିଲେ ଦୁହେଁ ମିଶିକି ଯିବା

ଦୁନିଆକୁ ଆମେ କାହିଁ ଡରିବା

ହେଲେ ଲାଗୁଥିଲା ସମାଜ ଭୟ

ବର୍ଷା ଟା ବି କରୁଥିଲା ଅଥୟ।

ତୁମେ ଚାଲି ଆସ ମୋ ଛତା ତଳକୁ

ଚାଲିଯାଏ ମୁଁ ଟିକେ ଦୁରକୁ

ତିଳରୁ ତଳିପା ଭିଜି ମୁଁ ଗଲି

ଭାବିଲି ଆଜି ମୁଁ କାଇଁ ଆସିଲି

ଛତା ସାଥେ ମୋର ଧରିଲ ହାତ

ଦେହ ଠୁ ମନର କେତେ ତଫାତ

ଝିପିଝିପି ମେଘ ପଡ଼େ ଛତାରେ

କିଛି କିଛି ହୁଏ ମନ ଭିତରେ

ଆମ ପ୍ରେମ ଦେଖି ବିଜୁଳିବତୀ

ଆଖି ଠାର ମାରେ ଧଡକେ ଛାତି

ତା ପରେ ହଜିଲେ ଆମ ଭିତରେ

ବାକି ଅଛି ଖାଲି ଆଜି ସ୍ମୃତିରେ।