ସେବାବ୍ରତୀ ସ୍ନେହମୟୀ
ସେବାବ୍ରତୀ ସ୍ନେହମୟୀ
ଲଥାଂଗ ତିର୍ତ୍ତୋଲ କୁଜଙ୍ଗ ମାଟିର
ସ୍ନେହମୟୀ ସୁନାକନ୍ୟା
ଜଗତସିଂହପୁର ଜିଲ୍ଲାର ଗୌରବ
ସମାଜ ସେବିକା ଧନ୍ୟା ॥
ଜୁଲାଇ ମାସର ଚଉଦ ତାରିଖ
ଊନ୍ନବିଂଶ ଶତସ୍ତରୀ
ଶୁଭ ଲଗନର ଜନ୍ମତିଥୀ ବାର
ମାଆ କୋଳ ଗଲା ପୁରି ॥
ବଂଶୀଧର ପିତା ଶ୍ରଦ୍ଧାଞ୍ଜଳୀ ମାତା
ଜନ୍ମଦାତା ଜନ୍ମଦାତ୍ରୀ
ସୌଭାଗ୍ୟ ବିଜୟ ପିତା ମାତାଙ୍କର
ସ୍ନେହମୟୀ ସୁନାପାତ୍ରୀ ॥
ଅନନ୍ୟ ପ୍ରତିଭା ବଂଶୀଧର ସୁତା
ଗୃହିଣୀ ସମାଜ ସେବୀ
ସମାଜ ସେବାରେ ଦିନ ବିତି ଯାଏ
ସୁଖଦୁଃଖ ଅନୁଭବୀ ॥
ପରିକଳ୍ପନାର ବିକଳ୍ପ ସୁକଳ୍ପ
ସମାଜ ସେବାର ଅଙ୍ଗ
ବ୍ୟାସପ୍ରତିଷ୍ଠାନ ସେବାସୌଧ ଜାଣ
ସ୍ନେହମୟୀ ଚିର ସଙ୍ଗ ॥
ଅଧକ୍ଷ୍ୟା ପଦରେ କର୍ମ ଆଗଭରେ
ବ୍ୟାସ ସଂସ୍ଥା ସଂସ୍ଥାପିକା
ସମାଜ ସେବାରେ ସମର୍ପିତ ବାରେ
ହୃଦୟରେ ଅନୁକମ୍ପା ॥
ବହୁ ସଂସ୍ଥା ସହ ଅଛନ୍ତି ଜଡିତ
ବ୍ରାହ୍ମଣ କୁଳର ଗର୍ବ
ଏ ମହାସେବିକା ଧୈର୍ଯ୍ୟଵାନ ସଦା
ମାତା ରୂପେ ଆବିର୍ଭାବ ॥
ସ୍ନେହମୟୀଙ୍କର ଉଦାର ସ୍ୱଭାବ
ହୃଦୟ ଦରଦ ପୂର୍ଣ୍ଣ
ସ୍ନେହ ସଦିଚ୍ଛାର ସତେ ଗନ୍ତାଘର
ନାହିଁ ହିଂସା ଦ୍ଵେଷ ଚିହ୍ନ ॥
ଅନାଥ ବାନ୍ଧବୀ ଭିନ୍ନକ୍ଷମ ସାଥୀ
ହସଭରି ଦ୍ୟନ୍ତି ଜାଣି
କେତେଯେ ଅନାଥ ଆଶ୍ରମେ ଗୃହୀତ
ସୁରକ୍ଷା ବଳୟେ ଆଜି ॥
ସ୍ଵାମୀ ପରୀତ୍ୟକ୍ତା ବିଧବା ମହିଳା
ପାଇଛନ୍ତି ସର୍ବେ ରାହା
ସ୍ନେହମୟୀଙ୍କର ମହା ବଦାନ୍ୟତା
ସିଲେଇ ମେସିନୀ ସାହା ॥
ସ୍ଵାବଲମ୍ବୀ ହୋଇ କୁଶଳେ ଅଛନ୍ତି
ଗୁଜୁରାଣ ଯାଏ ମେଣ୍ଟି
ଆତ୍ମନିଯୁକ୍ତିର ଏମହା ସଂଗ୍ରାମ
ସ୍ନେହମୟୀ ଜ୍ଞାନବୁଦ୍ଧି ॥
ଯୌନ ପୀଡନରୁ କିଶୋରୀମାନଙ୍କୁ
ଉଦ୍ଧରନ୍ତି ସ୍ନେହମୟୀ
ସଚେତନ ବାର୍ତ୍ତା କାର୍ଯ୍ୟକ୍ରମେ ପ୍ରୀତା
ସମାଜେ କଲ୍ୟାଣମୟୀ ॥
ପ୍ରଦୂଷଣ ମୁକ୍ତ ସ୍ୱଚ୍ଛ ପରିବେଶ
ସ୍ନେହମୟୀଙ୍କର କାମ୍ୟ
ଅମ୍ଳଜାନ ପାଇଁ ଅଶ୍ଵତ୍ଥ ରୋପନ୍ତି
ପଥପ୍ରାନ୍ତ ହୁଏ ରମ୍ୟ ॥
ଦୃଷ୍ଟି ଶକ୍ତିହୀନ ବୃଦ୍ଧବୃଦ୍ଧାଙ୍କର
ସ୍ନେହମୟୀ ସତେ ମାଆ
ମୋତିଆବିନ୍ଦୁର ସୁ-ଅସ୍ତ୍ରୋପଚାର
ଶିବିରରେ ଭାସେ ନାଁଆ ॥
ଅନ୍ତେବାସୀ ମାନେ କାରାଗାର ମଧ୍ୟେ
ଗୀତାପାଠ ଉଚ୍ଚାରଣେ
ସ୍ନେହମୟୀଙ୍କର ଏ ଭିନ୍ନ ପ୍ରୟାସ
ପ୍ରଶଂସିତ ସମାଜରେ ॥
ଖାଉଟି ସୁରକ୍ଷା ଉପଭୋକ୍ତା ଚିନ୍ତା
ସଚେତନତାର ବାର୍ତ୍ତା
ଭିନ୍ନ କାର୍ଯ୍ୟକ୍ରମ ନିଆରା ଉଦ୍ୟମ
ଆୟୋଜନେ ସ୍ନେହାକର୍ତ୍ତା ॥
ପ୍ରତିଭା ସମ୍ପନ୍ନ ବୟୋଜ୍ୟେଷ୍ଠ ଗଣ
ଅଞ୍ଚଳର ମଣିଜ୍ୟୋତି
ପଦପ୍ରକ୍ଷ୍ଯାଳନେ ସ୍ନେହମୟୀ ହସେ
ହୃଦୟେ ଦରଦ ପ୍ରୀତି ॥
କଲ୍ୟାଣ ସରାଗୀ ଆହେ ସ୍ନେହମୟୀ
ଦରଦୀ ହୃଦ ବାନ୍ଧବୀ
କାରାଗାର ମଧ୍ୟେ ଅନ୍ତେବାସୀ ମାନେ
ତଵ ସେବା ଅନୁଭବୀ ॥
ଉପ-କାରାଗାର ସମାଗଳ ପ୍ରୀତ
ହେ ପର୍ଯ୍ୟବେକ୍ଷିକା ରାଣୀ
ପରିବର୍ତ୍ତନର ସସ୍କାରିତ ମିତ
ଅନ୍ତେବାସୀ ସର୍ବେ ଋଣୀ ॥
ଆଧ୍ୟାତ୍ମିକବାଦୀ ଚେତନା ସରାଗୀ
ସମ୍ପାଦିକା ମହୋଦୟା
ଗୀତା ଜ୍ଞାନଞ୍ଜନ ପତ୍ରିକା ଉଦ୍ୟୋକ୍ତା
ପୂଜ୍ୟପୂଜା ସମ୍ମାନୀୟା ॥
ସିଦ୍ଧ ସିଦ୍ଧେଶ୍ଵର ପତିଦେବ ତୁମ
ଶିକ୍ଷାଦାନେ ତାଙ୍କ ପ୍ରୀତି
ଗୀତା ପ୍ରଚାରକ ସେ ମହାଲେଖକ
ଶିକ୍ଷକତା ତାଙ୍କ ବୃତ୍ତି ॥
ରସୁଲପୁରର ଭୋଗରାଇ ସୁତ
ବାଲେଶ୍ଵର ଅଧିବାସୀ
ସ୍ନେହମୟୀଙ୍କର ସର୍ବକାଳ ମିତ
ସାହାଯ୍ୟ କରନ୍ତି ହସି ॥
ରକ୍ତ ସଙ୍କଟକୁ ଦୂର କରିବାକୁ
ଶିବିରରେ ଲାଗେ ଭିଡ
ସ୍ନେହମୟୀଙ୍କର ବଳିଷ୍ଠ ପ୍ରୟାସ
ଭଣ୍ଡାର କରିବ ପୂର୍ଣ୍ଣ ॥
ବହୁ ସମ୍ମାନର ସୁଯୋଗ୍ୟା ସୁକନ୍ୟା
ଋତୁପର୍ଣ୍ଣା ଗୌରୀ ଧନ
ସାଧନା ରହିତ ଜୀବନ ସଂଗ୍ରାମ
ଧନ୍ୟ ତଵ ଅବଦାନ ॥
ତଵ ସେବା କାର୍ଯ୍ୟେ ଉତ୍କଳୀମା ହସେ
ହେ ମହାସେବିକା ମାଆ
କରୋନାକୁ ଭୟ କରିତ ନଥିଲ
ଜନମୁଖେ ଭାସେ ନାଆଁ ॥
କେତେ ଅନୁଷ୍ଠାନ କେତେ ପ୍ରତିଷ୍ଠାନ
ସମ୍ମାନ ପ୍ରଦନ୍ତୀ ଜାଣି
ସବୁ ଊଣା ହେବ ପ୍ରଦତ୍ତ ପ୍ରମାଣ
ତବ ସେବାଧର୍ମେ ଋଣୀ ॥
କି ଅବା ଲେଖିବି ମୁଁ ଅଧମ କବି
ଶବଦ ପାଉନି ଖୋଜି
ଯେତେ ଲେଖିଲେବି ରହିଯିବ ବାକି
ଅବର୍ଣ୍ଣନୀୟ ଏ କୃତୀ ॥
ଶୁଭାଶିଷ ଭଗ୍ନୀ ଜ୍ଞାପନ କରୁଛି
କୁସୁମିତ ହେଉ ପଥ
ନୂତନ ବରଷ ହେଉ ଶୁଭପ୍ରଦ
ଆହେ ପ୍ରଭୁ ଜଗନ୍ନାଥ ॥
ସପନ ଆଖିର ଦୁଇଟି କପୋତ
ପୁତ୍ରକନ୍ୟା ଧନମନ
ସତ୍ୟ ଓ ଅନନ୍ୟା ନବ ସମ୍ଭାବନା
ସ୍ନେହମୟୀଙ୍କ ସମ୍ମାନ ॥
ବିଦ୍ୟା ଶିକ୍ଷା ଲଭି ଅରଜନ୍ତୁ ଖ୍ୟାତି
ମାଆ ମୁଖେ ଫୁଟୁହସ
ସବୁ ଜଳାଞ୍ଜଳି ହେଉ ପୁଷ୍ପାଞ୍ଜଳି
ଆକାଶରୁ ଝରୁ ପୁଷ୍ପ ॥
ତଵ ମହାନତା ବିଦିତ ସର୍ବଦା
ସେବା ଧର୍ମ ମହାବ୍ରତ
ଜଗତର ନାଥ ହୋଇବ ସହାୟ
ସ୍ନେହମୟୀ ସମର୍ପିତ ॥