ଲାଇବ୍ରେରୀ
ପ୍ରୋଫାଇଲ୍
ସେ ମାଆ ଆମର
ସେ ମାଆ ଆମର
1 min
197
ଦୁନିଆ ରେ ଗୋଟେ ନାଁ ଲାଗେ ମଧୁର
ଦୁନିଆ ରେ ଗୋଟେ ଆଖି ଲାଗେ ସୁନ୍ଦର
ସାରା ଦୁନିଆ ରେ ଜଣେ ଲାଗେ ନିଜର
ତାକୁ ଛାଡି ଦେଲେ ଆଉ ସବୁ ସ୍ୱାର୍ଥପର
ତାରି ପାଇଁ ଗଢା ଏଇ ସଂସାର
ତାରି ଆଶିଷ ଲୋଡା ଆମର
କେହି ଆଉ ନୁହଁ ସିଏ ମା ଆମର
ସେ ମା ଆମର
ରୁଷି ଯାଇଥିଲେ ସେ ଦିଏ ହସେଇ
ଚାଲୁ ଚାଲୁ ପଡିଗଲେ ନିଏ କୋଳେଇ
ଅମାନିଆ ହେଲେ ପୁଣି ଦିଏ ମନେଇ
ହଜିଗଲେ ଖୋଜି ସେ ଆଣି ତ ଦେଇ
ତାର ସେଇ ପଣତ କାନି
ତା ବିନୁ ଆଉ କିଛି ଜାଣିନି
ଭୁଲି ପାରିବିନି କେବେ ସେନେହ ତାର
କେହି ଆଉ ନୁହଁ ସିଏ ମା ଆମର
ସେ ମା ଆମର
ଆମ ପାଇଁ ସେ ନିତି ଉପାସ କରେ
ପୁନିଅଁ ପରବ ବ୍ରତ ପାଳନ କରେ
ରୋଗ ରେ ପଡ଼ିଲେ ବସେ ଅନିଦ୍ରା ହୋଇ
ଭୋକିଲା ରହି ନିଜେ ଆମକୁ ଦିଏ ଖୁଏଇ
ତାରି ସେବା ଆମର କର୍ମ
ତାର ଖୁସି ଆମର ଧର୍ମ
ସୁଝି ପାରେ ନାହିଁ କେହି ଋଣ ତାହାର
କେହି ଆଉ ନୁହଁ ସିଏ ମା ଆମର
ସେ ମା ଆମର ...
