ସବୁଅଛି-କିଛିନାହିଁ

#ସିଧାକଥା-୨୬ 

ପଇସା ରହିଛି କାମ ବି ପଡ଼ିଛି ମନ ଖାଲି ଛକପକ,

କାହାକୁ ଭରସା କରିଲେ ସେ ଲୋକ ହେଇଯାଏ ପାଣିଜୋକ ।

କାମପାଇଁ କେବେ ଖୋଜିଲେ କେଉଁଠି ମିଳିବେନି ଆଉ ଲୋକ,

ମଜୁରି ବଢୁଛି ସମୟ କମୁଛି ଲୋକେ ହୋଇଲେଣି ଠକ ।

ଯେତେ ଅରଜିଲେ ପେଟ ପୂରେନାହିଁ ଖାଇଲେ ଆହୁରି ଭୋକ ।

ମୁଠା ମୁଠା ଟଙ୍କା ପାଇଲେ ଲାଗୁଛି ପଇସାଟା ପାନପିକ ।

ତାଙ୍କପାଇଁ ଏବେ ସହର ମଝିରେ ହୋଇଛି ଲେବର ଛକ,

ଗାଆଁ ଗହଳିର ମଜୁରିଆ ପାଇଁ ଦଲାଲ ସାଜନ୍ତି ଟିଙ୍କ ।

ବିଦେଶକୁ ନେଇ ଖଟେଇ ଖଟେଇ ଶେଷରେ ମଗାନ୍ତି ଭିକ,

ସରକାରୀ କଳ ସବୁ ଜାଣି-ଶୁଣି ସାଜିଥାଏ ଅନ୍ଧ-ମୁକ ।