ସବୁ ସପନ ହୁଏନି ସତ

କାଲାମ ସିନା କହି ପାରିବେ

ସତିଆ ସପନ କେତେ ମହଙ୍ଗା

ହାଡ଼ ଭଙ୍ଗା ଶୀତ ଆଉ ପାଦଫୁଟା ଖରାକୁ

ସହିବାର ଅନୁଭୂତି

ଭୋକିଲା ବାଟୋଇକୁ ଯାଇ ପଚାର

ସପନର ଶୀତଳ ଛାଇକୁ

ହାତେଇବାକୁ

ନିଦହଜା ରାତିମାନଙ୍କୁ ପଚାର

ବଖାଣିବେ ସେମାନେ ବୁକୁଫଟା କାହାଣୀ

ଥରିବ ଦେହ ଆଉ ଦୋହଲିବ ମନ

ଶୁଖିଲା ନଦୀକୁ ପଚାର

ବୁନ୍ଦାଏ ବୁନ୍ଦାଏ ପାଣିରେ

ସାଗରକୁ ପହଂଚିବାର ଅସହ୍ୟ ସଂଘର୍ଷ

ଦାନା ମାଝୀ ସିନା କହିବ

ଛାତିର କଲିଜା ଛିଣ୍ଡିଯିବାର ଦରଦ କେତେ

ମନର ମାନସୀକୁ କାନ୍ଧରେ ବୋହି କୋକେଇ ନେବାର

ବିରହ ଯନ୍ତ୍ରଣା

ଆଉ ଦଶରଥ ମାଝୀ ବି

ଗୋଟି ଗୋଟି କରି ଶୁଣାଇବ

ପାହାଡକୁ ଚିରିବାର ସାହସ ଓ ଧୌର୍ଯ୍ୟର ସୀମା l