ସବୁ ବିଜ୍ଞାନର ଦାନ

ଦୈନନ୍ଦିନ ଆମ ଜୀବନରେ ଯାହା 

ଯନ୍ତ୍ରପାତିର ଭୂମିକା ,

କହିଲେ ସେ କଥା ସରିବନି ଜମା

ଅଧା ରହିଯିବ ଲେଖା ।

ଯାନବାହନରେ ଯାତାୟାତ ହୁଏ

ଅଳ୍ପ ସମୟରେ ଶୀଘ୍ର ,

ଆଗକୁ ବର୍ଷା କି ତୋଫାନ ହୋଇବ

ଜଣାଉଛି ପାଣିପାଗ ।

କଳପଙ୍ଖା ଦିଏ ଗରମ ଦିନରେ

ଶୀତଳ ପବନ ଅତି ,

ଘଣ୍ଟା ଦେଖି ଆମେ ସମୟ ଜାଣନ୍ତି

କେତେ ବେଳ ଗଲା ବିତି ।

ଦୂରଦର୍ଶନ ଓ ରେଡ଼ିଓ ଯୋଗାଏ

ସମ୍ବାଦ-ମନୋରଞ୍ଜନ ,

ଚଳଭାଷ ଯୋଗେ ଦୂର ବାର୍ତ୍ତାଳାପ

ସହ ମିଳେ ବହୁ ଜ୍ଞାନ ।

କୃଷିକାର୍ଯ୍ୟ ଏବେ ସହଜ ହେଲାଣି

ଏହି ଯନ୍ତ୍ରପାତି ଯୋଗୁ,

ବିହନ ବୁଣିବା ,ରୋଇବା ,କାଟିବା

ଅମଳ କଲାଣି ସବୁ ।

ଡାକ୍ତରି ଚିକିତ୍ସା ସୁବିଧାରେ ହୁଏ

ଚିହ୍ନଟ ହୁଅଇ ରୋଗ ,

ଘର ଚଢ଼ିବାକୁ ଚଳନ୍ତା ସିଡ଼ି ଯେ

କରାଯାଏ ଉପଯୋଗ ।

ଗୃହୋପକରଣ ରେଫ୍ରିଜରେଟର

ପାଣିପମ୍ପ ,ଗ୍ରାଇଣ୍ଡର ,

ଦମକଳ ଅଗ୍ନି ନିର୍ବାପକ କରେ

ହୋଇ ଅତି ତତପର ।

କରତ ,କୁରାଢ଼ୀ ,ନିହାଣ ,କରଣୀ

ଅଟେ ରାଜମିସ୍ତ୍ରୀ ଯନ୍ତ୍ର ,

ଘର ତିଆରି ଓ ଉପକରଣରେ

ହୋଇଥାଏ ବ୍ୟବହୃତ ।

ଆହୁରି ବି ଯନ୍ତ୍ର ଛାପି ଦେଇଥାଏ

ଆମ ପାଇଁ କେତେ ବହି ,

ଭଳି ଭଳି ବସ୍ତ୍ର ପ୍ରସ୍ତୁତ ହୁଅଇ

ସହଜରେ ଦେଲି କହି ।

ଦେଶ ପ୍ରତିରକ୍ଷା ସାମଗ୍ରୀଗୁଡିକ

ଯନ୍ତ୍ରରେ ବି ହେବ ଗଣା ,

ସେଥିପାଇଁ ଆମ ନିରାପତ୍ତା ଲାଗି

ଚିନ୍ତାଟି ହୁଅଇ ଊଣା ।

ବୁଲେଟ ଟ୍ରେନ ଠୁ ମହାକାଶ ଯାନ

ସବୁ ବିଜ୍ଞାନର ଦାନ,

ସଠିକ ପ୍ରୟୋଗେ ସୁଖଦ ହୋଇଛି

ଆମ ମାନବ ଜୀବନ।।