ସ୍ବପ୍ନ ଯଦି କେବେ ବାସ୍ତବ ହୁଅନ୍ତା

ସ୍ବପ୍ନ ଯଦି କେବେ ବାସ୍ତବ ହୁଅନ୍ତା

ମୋ ସ୍ଵପ୍ନ ବି ଦିନେ ସତ ହେଇଥାନ୍ତା

ଜୀବନ ବି କେତେ ସୁନ୍ଦର ହେଇଥାନ୍ତା 

ଠିକ୍ ମୋର ସେଇ ସ୍ବପ୍ନ ପରି।

ସ୍ଵପ୍ନରେ ତୁମର ମିଠା ପରଶ

ଯଦି ସତରେ ପ୍ରୀତି ପରଶ ହୁଅନ୍ତା

ତେବେ କେତେ ନ ସୁନ୍ଦର ହେଇଥାନ୍ତା

ସ୍ବପ୍ନ ଯଦି କେବେ ମୋର ବାସ୍ତବ ହୁଅନ୍ତା।

ମୋ ନିଦ ଭାଙ୍ଗିଯାଏ ପ୍ରତି ରାତିରେ

ତୁମ ପାଦ ପାଉଁଜିର ଶବ୍ଦରେ

ରାଗ ଛନ୍ଦ ଶୂନ୍ୟ ଜୀବନେ ମୋହର

ରଙ୍ଗ ଭରିଦିଅ ବିନା ଫଗୁଣରେ

ବାସ୍ତବରେ କେବେ ଏମିତି ହୁଅନ୍ତା

ସ୍ବପ୍ନ ଯଦି କେବେ ମୋର ବାସ୍ତବ ହୁଅନ୍ତା।

ତୁମେ ଆସ ନିତି ସ୍ଵପ୍ନରେ ମୋର

ସବୁ ରାତିରେ ମୁଁ ଶୋଇଗଲା ପରେ

ତୁମେ ପ୍ରେମ ବର୍ଷା କର ମୋ ମରୁ ଛାତିରେ

ମୋ ପ୍ରେମ ଗଛ ଡାଳେ ପତ୍ର ବି କଅଁଳେ

ତୁମେ ଆସ ଯେବେ ସ୍ଵପ୍ନରେ ମୋର

ପ୍ରତି ରାତିରେ ମୁଁ ଜିଇଁ ଉଠେ

ଏମିତି କେବେ ସତରେ ହୁଅନ୍ତା

ସ୍ବପ୍ନ ଯଦି ମୋର ବାସ୍ତବ ହୁଅନ୍ତା।