Library
Profile
ସ୍ବପ୍ନ ସମାଚାର
ସ୍ବପ୍ନ ସମାଚାର
ଖୋଲି ଦିଅ ଅବରୁଦ୍ଧ ଚେତନାର ଦ୍ୱାର
ବୁଢ଼ାରଜାର ଗର୍ଭ ଗହ୍ମର
ସଚରାଚର ବିଶ୍ଵର ବ୍ୟାପକ ବଜାର ।
ଆସିବାକୁ ଦିଅ: ଅଫୁରନ୍ତ ପ୍ରାଣପ୍ରାଚୁର୍ଯ୍ୟର
ମଧୁ ମଲ୍ଲିକା
ଗାନ୍ଧି ଗୋପବନ୍ଧୁଙ୍କ ସ୍ବପ୍ନର ସହର
ପ୍ରଗତି ଓ ପରିବର୍ତ୍ତନର ସପ୍ତମହାନ ସଂସ୍କାର ।
ଚହଟିବାକୁ ଦିଅ:
ଅଭିଯାତ୍ରୀର ଅପ୍ରତିହତ ଚିନ୍ତାଧାରାର
କୌମୁଦୀ ସୌରଭ
କୃଷି ଶ୍ରମିକର ଅନବରତ ସାଧନାର ସୁରଭିତ ମଳୟ
ସର୍ବହରା ଜନତାର ଆତ୍ମସନ୍ତୋଷଭରା
ଦରୋଟି ହସ ।
ଏବେ ବାଜିବାକୁ ଦିଅ
ଐକ୍ୟବଦ୍ଧ ଉଦ୍ୟମ ଓ ମିଳିତ ସଂଗ୍ରାମର ରଣଦୃଦୁଭି:
କ୍ଷୁଧା, ଦାରିଦ୍ର୍ୟ, ବୈକାରୀ, ଦୁର୍ନୀତିର ମୂଳୋତ୍ପାଟନ
ପାଇଁ
ସାମାଜିକ ଶ୍ରେଣୀ ବୈଷମ୍ୟ ଓ
ଘୁଣଧରା ଜାତିବାଦର ଦୂରୀକରଣ ପାଇଁ
ପ୍ରଦୂଷିତ ରାଜନୀତି ଓ ପର୍ଯ୍ୟାୟ ପତିତ ପ୍ରଶାସନର
ପରିବର୍ତ୍ତନ, ସମେବଦନଶୀଳ ମାନସିକତା ପାଇଁ
ମୌଳବାଦୀ ଉଦ୍ଗୀରଣ ଓ
ବିଚ୍ଛିନ୍ନତାବାଦୀ କାର୍ଯ୍ୟକଳାପର ନିରାକରଣ ପାଇଁ
ସାଂସ୍କୃତିକ, ରାଜନୈତିକ, ଆର୍ଥିକ, ସାମାଜିକ ଓ
ଧାର୍ମିକ
ଶୋଷଣର ସୁଦୃଢ଼ ମୁକାବିଲା ପାଇଁ
ଚେତନାଶୀଳ, ଯୁଗୋପଯୋଗୀ ଆଭିମୁଖ୍ୟର
କ୍ରିୟାନୁୟନ ପାଇଁ
ସୃଜନଶୀଳତାର ଭିନ୍ନ ଏକ ଦିଗନ୍ତର
ସମ୍ପର୍କର ସୁରମ୍ୟ, ପୃଥକ୍ ଏକ ପରିଭାଷା ପାଇଁ ।
।
